• കാട്ടാനയുടെ ആക്രമണത്തിൽ ആദിവാസി വൃദ്ധന്‌ പരിക്ക്. വഴിക്കടവ് പുഞ്ചക്കൊല്ലിയിലാണ് കാട്ടാനയുടെ ആക്രമണം ഉണ്ടായത്.
• പഹൽഗാം ഭീകരാക്രമണത്തിൽ ജുഡീഷ്യൽ
അന്വേഷണം വേണമെന്ന ഹർജി സുപ്രീം കോടതി തള്ളി. സൈന്യത്തിന്റെ ആത്മവിശ്വാസം
തകർക്കുന്ന ഹർജികൾ സമർപ്പിക്കരുതെന്നും രാജ്യത്തിന്റെ സാഹചര്യം മനസിലാക്കി
ഉത്തരവാദിത്വം കാണിക്കണമെന്നും കോടതി.
• മുംബൈ ഇന്ത്യൻസ്‌ കുതിപ്പ്‌ തുടരുന്നു. ഐപിഎൽ ക്രിക്കറ്റിൽ രാജസ്ഥാൻ
റോയൽസിനെതിരെ 100 റൺസിന്റെ വിജയമാണ് ടീം നേടിയത്. ഇതോടെ 11 കളിയിൽ നിന്ന്
14 പോയന്റുമായി മുംബൈ പോയന്റ് പട്ടികയിൽ ഒന്നാമതെത്തി.
• സിനിമ-സീരിയൽ നടൻ വിഷ്ണു പ്രസാദ്
അന്തരിച്ചു. കരൾ രോഗത്തെ തുടർന്ന് ഏറെനാളായി ചികിത്സയിലായിരുന്നു വിഷ്ണു
പ്രസാദ്. കരൾ മാറ്റിവക്കൽ ശസ്ത്രക്രിയക്കുള്ള ഒരുക്കത്തിനിടെയാണ് മരണം
സംഭവിച്ചത്.
• രാജ്യത്തിന്റെ പടിഞ്ഞാറന്‍ അതിര്‍ത്തിയില്‍ അത്യാധുനിതക ജാമിങ്
സംവിധാനങ്ങള്‍ വിന്യസിച്ച് ഇന്ത്യ. ഇന്നലെ മുതല്‍ പാകിസ്ഥാന്‍
വിമാനങ്ങള്‍ക്കും വിലക്കേര്‍പ്പെടുത്തി. ഈ മാസം 13വരെയാണ്
വിലക്കേര്‍പ്പെടുത്തിയിരിക്കുന്നത്.
• പാകിസ്ഥാൻ അനുകൂല മുദ്രാവാക്യം വിളിച്ചുവെന്ന് ആരോപിച്ച് മംഗളുരുവിൽ മലയാളി
യുവാവ് അഷ്റഫിനെ ആൾക്കൂട്ടം മർദ്ദിച്ച് കൊലപ്പെടുത്തിയ സംഭവത്തിൽ
ഇൻസ്‌പെക്ടർ അടക്കം മൂന്ന് പൊലീസ് ഉദ്യോഗസ്ഥർക്ക് സസ്പെൻഷൻ.
• ഇസ്രയേലില്‍ കാട്ടുതീ പടരുന്നു. ജറുസലേമിന്റെ പ്രാന്തപ്രദേശങ്ങളിലാണ്
കാട്ടുതീ പടരുന്നത്. ആയിരക്കണക്കിന് ആളുകളെയാണ് ഇതുവരെ പ്രദേശത്തുനിന്ന്
ഒഴിപ്പിച്ചത്. ഒരു ദശാബ്ദത്തിനിടെ ഉണ്ടായ ഏറ്റവും വലിയ
തീപ്പിടിത്തമാണിതെന്ന് അന്തർദേശീയ മാധ്യമങ്ങൾ റിപ്പോർട്ട് ചെയ്തു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.