• ഇന്ന് ലോക എയിഡ്സ് ദിനം, ദേശീയതലത്തിൽ എച്ച്ഐവി
അണുബാധയുടെ സാന്ദ്രത താരതമ്യേന കുറഞ്ഞ സംസ്ഥാനമായി തുടർന്ന് കേരളം.
പ്രായപൂർത്തിയായവരിലെ എച്ച്ഐവി സാന്ദ്രത ഇന്ത്യയിൽ 0.20 ആണെങ്കിൽ
കേരളത്തിലേത്‌ 0.07 ആണ്.
• ഫെയ്ൻജൽ ചുഴലിക്കാറ്റിൽ
വിറച്ച് തമിഴ്നാട്. പുതുച്ചേരിയിലും ആന്ധ്രയിലെ വിവിധ ഭാഗങ്ങളിലും
കനത്തമഴ. കാറ്റിലും പേമാരിയിലും ചെന്നൈ നഗരത്തിലും സമീപമേഖലകളിലും
ജനജീവിതം സ്തംഭിച്ചു. വീടുകളിലും ആശുപത്രികളിലും വെള്ളം കയറി.
• വിരമിക്കൽ ആനുകൂല്യത്തിന്‌ പലിശ കണക്കാക്കുന്ന രീതി പരിഷ്‌കരിക്കാൻ ഇപിഎഫ്‌ഒ കേന്ദ്ര ട്രസ്‌റ്റ്‌ ബോർഡ്‌ യോഗം തീരുമാനിച്ചു.
• മാരകരോഗങ്ങൾ ബാധിച്ച്‌
നരകയാതന അനുഭവിക്കുന്നവർക്ക്‌ വൈദ്യസഹായത്തോടെ ദയാവധം അനുവദിക്കുന്ന
ബില്ലിന്‌ യുകെ പാർലമെന്റ്‌ പ്രാഥമിക അംഗീകാരം നൽകി.
• ഗര്‍ഭസ്ഥ ശിശുവിന്റെ വൈകല്യം കണ്ടെത്താത്ത സംഭവത്തില്‍ ആലപ്പുഴയിലെ 2 സ്‌കാനിംഗ് സെന്ററുകള്‍ ആരോഗ്യവകുപ്പ് പൂട്ടി സീല്‍ ചെയ്തു.
• ചെറിയ കുറ്റത്തിന് ജയിലിലാവുന്നവര്‍ വലിയ കുറ്റവാളികളായി മടങ്ങുന്ന സ്ഥിതി ജയിലുകളില്‍ ഉണ്ടാവരുതെന്ന് മുഖ്യമന്ത്രി പിണറായി വിജയൻ.
• സംസ്ഥാന ഐടി മിഷന്റെ
പദ്ധതിയായ "ഇ- ഡിസ്ട്രിക്ട്' പോർട്ടലിലെ സേവനങ്ങൾ
പ്രയോജനപ്പെടുത്തുന്നതിനായി യൂസർ അക്കൗണ്ട് രൂപീകരിക്കുമ്പോൾ ലഭിക്കുന്ന
ഒടിപി സംവിധാനം ഞായർ മുതൽ പൂർണമായും ആധാർ അധിഷ്‌ഠിതം.
• 150 വര്‍ഷത്തെ പാരമ്പര്യമുള്ള സെക്രട്ടേറിയറ്റില്‍ ഇനിമുതല്‍ ഹാജര്‍
പുസ്തകം (അറ്റന്റൻസ് രജിസ്റ്റ‍ര്‍) ഇല്ല. സെക്രട്ടേറിയറ്റിൽ സ്പാർക്ക്
ബന്ധിത ബയോമെട്രിക്ക് പഞ്ചിങ് സംവിധാനം പൂർണമായും നടപ്പിലാക്കിയതിനെ
തുടര്‍ന്നാണ് തീരുമാനം.
• അനര്‍ഹമായി ക്ഷേമപെന്‍ഷന്‍ വാങ്ങിയ സര്‍ക്കാര്‍ ജീവനക്കാര്‍ക്കെതിരെ
വകുപ്പുതല നടപടിയെടുക്കുമെന്ന് മുഖ്യമന്ത്രി പിണറായി വിജയന്‍.സര്‍ക്കാര്‍
ജീവനക്കാരും പെന്‍ഷന്‍കാരും അനര്‍ഹമായി ക്ഷേമപെന്‍ഷന്‍ വാങ്ങുന്നത്
വ്യക്തമായ പശ്ചാത്തലത്തില്‍ ചേര്‍ന്ന പ്രത്യേക യോഗത്തിലാണ് തീരുമാനം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.