• സംസ്ഥാന തദ്ദേശ വാര്‍ഡ് വിഭജന കരട് വിജ്ഞാപനം പുറത്തിറക്കി. ആകെ 1,510
വാര്‍ഡുകളാണ് പുതിയ കരട് വിജ്ഞാപനത്തില്‍ ഉള്ളത്. പരാതികളും അപേക്ഷകളും
പരിശോധിച്ച ശേഷം ആകും അന്തിമ തീരുമാനമെടുക്കുക.
• പാലക്കാട്‌
നിയമസഭാമണ്ഡലം ഉപതെരഞ്ഞെടുപ്പ്‌ പരസ്യപ്രചാരണത്തിന്‌ തിങ്കൾ വൈകിട്ട്‌ ആവേശ
സമാപനം. ഇനി നിശബ്‌ദ പ്രചാരണത്തിന്റെ മണിക്കൂറുകൾ. ബുധനാഴ്‌ചയാണ്‌
വോട്ടെടുപ്പ്‌.
• കെഎസ്‌ഇബിയിൽ പുതിയ
കണക്ഷൻ അടക്കമുള്ള എല്ലാ അപേക്ഷകളും ഡിസംബർ ഒന്നുമുതൽ ഓൺലൈനിലാക്കി.
കെഎസ്‌ഇബി ഓഫീസുകളിൽ ഇനിമുതൽ നേരിട്ട്‌ ഒരപേക്ഷയും സ്വീകരിക്കില്ല.
• സംസ്ഥാന സ്‌കൂൾ
ശാസ്‌ത്രോത്സവത്തിൽ ഓവറോൾ ചമ്പ്യൻഷിപ്‌ സ്വന്തമാക്കി മലപ്പുറം. സംസ്ഥാന
സ്‌കൂൾ കായികമേളയിലെ അതല്‌റ്റിക്‌സ്‌ കിരീടത്തിന്‌ പിന്നാലെയാണ്‌ ഈ
നേട്ടവും.
• ഗുണ്ടാ നേതാവ്‌ ലോറൻസ് ബിഷ്‌ണോയ്‌യുടെ സഹോദരൻ അൻമോൽ ബിഷ്‌ണോയ്‌ യുഎസിൽ അറസ്റ്റിലായെന്ന് റിപ്പോർട്ട്.
• മണിപ്പൂരില്‍ സംഘര്‍ഷം അതീവ രൂക്ഷം. ഇറെങ്ബാമില്‍ കര്‍ഷകര്‍ക്ക് നേരെ
വെടിവെപ്പുണ്ടായി. അസമില്‍ നദിയില്‍ നിന്ന് 2 മൃതദേഹങ്ങള്‍ കൂടി കണ്ടെത്തി.
• ബാലാത്സംഗക്കേസില്‍ നടന്‍ സിദ്ദിഖിന്റെ മുന്‍കൂര്‍ ജാമ്യഹര്‍ജി സുപ്രിംകോടതി ഇന്ന് വീണ്ടും പരിഗണിക്കും.
• ശബരിമലയിൽ വൻഭക്തജന തിരക്ക്. ഇന്നലെ 70,000 പേർ ദർശനത്തിനെത്തിയെന്ന്
പൊലീസ് അറിയിച്ചു. മിനുറ്റിൽ
ശരാശരി 80 തീർത്ഥാടകർ ആണ് ദർശനം നടത്തുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.