• എസ്എസ്എൽസി, പ്ലസ് ടു പരീക്ഷാ തീയതികൾ പ്രഖ്യാപിച്ചു. മാർച്ച് 3 മുതൽ 26
വരെയാണ് രണ്ടു പരീക്ഷകളും നടക്കുക. മെയ് മൂന്നാം വാരം ഫലപ്രഖ്യാപനവും
ഉണ്ടാകുമെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു.
• 2024 എഴുത്തച്ഛൻ പുരസ്‌കാരത്തിന് എൻ എസ് മാധവൻ അർഹനായി. സംസ്ഥാന സർക്കാരിന്റെ പരമോന്നത സാഹിത്യ പുരസ്കാരമാണ് എഴുത്തച്ഛൻ പുരസ്കാരം.
• ദില്ലിയിൽ വായു ഗുണനിലവാരം ഗുരുതരാവസ്ഥയിലായി. ദീപാവലിക്ക് ശേഷം നഗരത്തിൽ
പുക മഞ്ഞ് രൂക്ഷമാണ്. വായു ഗുണനിലവാര സൂചിക 350ന് മുകളിൽ തുടരുകയാണ്.
• കൊടകര കുഴല്‍പ്പണ കേസില്‍ തുടരന്വേഷണത്തിന് സംസ്ഥാന സര്‍ക്കാര്‍
ഉത്തരവിട്ടു. കേസുമായി ബന്ധപ്പെട്ട പുതിയ വെളിപ്പെടുത്തലുകളെ തുടര്‍ന്ന്
മുഖ്യമന്ത്രി ഡിജിപിയുമായി കൂടിക്കാഴ്ച നടത്തിയതിന് പിന്നാലെയാണ്
തുടരന്വേഷണത്തിന് നിർദേശം നൽകിയത്.
• കൊങ്കൺ റൂട്ടിലോടുന്ന
36 ട്രെയിനുകളുടെ സമയക്രമത്തിൽ മാറ്റം വന്നതായി റെയിൽവേ അറിയിച്ചു. നോൺ
മൺസൂൺ ടൈംടേബിൾ പ്രകാരം നവംബർ 1മുതലാണ് ട്രെയിനുകളുടെ സമയം മാറ്റി
നിശ്ചയിച്ചിരിക്കുന്നത്.
• പാചകവാതകവില വീണ്ടും
കുത്തനെ കൂട്ടി. വാണിജ്യ സിലിണ്ടറിന് 61.50 രൂപയാണ് കൂട്ടിയത്. ഇതോടെ 19
കിലോഗ്രാം സിലിണ്ടറിന് കോഴിക്കോട്ട്‌ 1843 രൂപയാണ് പുതിയ വില.
• ഫുഡ്‌ കോർപറേഷൻ ഓഫ്‌
ഇന്ത്യയിൽ (എഫ്‌സിഐ) നിന്ന്‌ 168 കോടി രൂപയുടെ ഓർഡർ സ്വന്തമാക്കി
കെൽട്രോൺ. എഫ്‌സിഐ ഉടമസ്ഥതയിൽ രാജ്യത്തുടനീളമുള്ള 561 ഡിപ്പോകളിൽ സിസിടിവി
ക്യാമറകൾ സ്ഥാപിക്കുന്ന പ്രവർത്തനങ്ങൾക്കാണ്‌ ഓർഡർ.
• സാമൂഹ്യസുരക്ഷ,ക്ഷേമനിധി പെന്‍ഷന്‍ ഗുണഭോക്താക്കള്‍ക്ക് ഒരു ഗഡു
പെന്‍ഷന്‍അനുവദിച്ചു. 62ലക്ഷത്തോളം പേര്‍ക്കാണ് 1600 രൂപ വിതം
ലഭിക്കുന്നത്.
•
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.