തിരുവനന്തപുരത്ത് 75 വയസ്സുള്ള ഒരാൾക്ക് ചെള്ളുപ്പനിക്ക് സമാനമായ മ്യൂറിൻ ടൈഫസ് സ്ഥിരീകരിച്ചു. എസ്പി മെഡിക്കൽ ഫോർട്ടിലെ സ്വകാര്യ ആശുപത്രിയിൽ ചികിൽസയിൽ കഴിയുന്ന 75കാരനാണ് മൂറിൻ ടൈഫസ് സ്ഥിരീകരിച്ചത്. മുരിൻ ടൈഫസ് ഒരു അപൂർവ രോഗമാണ്. വയോധികൻ സുഖം പ്രാപിച്ചുവരുന്നതായി ആശുപത്രി അധികൃതർ അറിയിച്ചു.
75 കാരനായ ഇയാൾ വിദേശത്ത് നിന്നാണ് എത്തിയിരിക്കുന്നത്. സെപ്തംബർ എട്ടിന് എസ്പി ഫോർട്ടിൽ ചികിത്സ തേടി. നെക്സ്റ്റ് ജനറേഷൻ സീക്വൻസിങ് (എൻജിഎസ്) വഴിയാണ് രോഗനിർണയം നടത്തിയത്. ഉഷ്ണമേഖലാ രാജ്യങ്ങളിൽ കണ്ടുവരുന്ന മുരിൻ ടൈഫസ് എന്ന രോഗത്തിന് കാരണം റിക്കറ്റ്സിയ ടൈഫി എന്ന ജീവിയാണ്.
ഇന്ത്യയിൽ വളരെ അപൂർവമായ ഈ രോഗം എലി ചെള്ളിൽ നിന്നാണ് പകരുന്നത്. പനി, പേശി വേദന, അവയവങ്ങളുടെ തകരാർ എന്നിവയാണ് ലക്ഷണങ്ങൾ. രോഗം മനുഷ്യരിൽ നിന്ന് മറ്റൊരാളിലേക്ക് പകരില്ല എന്നതാണ് ആശ്വാസകരമായ കാര്യം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.