തിരുവനന്തപുരം : നെഹ്റു ട്രോഫി വള്ളംകളി ദേശീയ വികാരമാണെന്നും അനിശ്ചിതകാലത്തേക്ക് നീട്ടിവെക്കാൻ ഉദ്ദേശിക്കുന്നില്ലെന്നും മന്ത്രി വി.എൻ.വാസവൻ പറഞ്ഞു. നെഹ്റു ട്രോഫി നടക്കും. അത് ചെയ്യണമെന്നാണ് തൻ്റെ അഭിപ്രായമെന്നും ആവശ്യമായ ക്രമീകരണങ്ങൾ സർക്കാർ ഉറപ്പാക്കുമെന്നും മന്ത്രി പറഞ്ഞു. ഓണത്തോടനുബന്ധിച്ച് വള്ളംകളി എത്രയും വേഗം നടത്തുമെന്നും സമഗ്രമായ സംഘാടക സമിതിക്ക് ഉടൻ രൂപം നൽകുമെന്നും അദ്ദേഹം വ്യക്തമാക്കി.
അതേസമയം സർക്കാർ നടത്തുന്ന ഓണാഘോഷങ്ങൾ മാത്രമാണ് ഒഴിവാക്കിയതെന്നും മറ്റ് ഓണാഘോഷങ്ങൾക്ക് വിലക്കില്ലെന്നും മന്ത്രി എംബി രാജേഷും വ്യക്തമാക്കി. കലാകാരന്മാർക്ക് ബുദ്ധിമുട്ട് ഉണ്ടാകില്ല. തൃശ്ശൂരിൽ കടുവകളി നടത്തുന്ന കാര്യം കോർപ്പറേഷനു തീരുമാനിക്കാം. കടുവകളിക്ക് സർക്കാർ പണം അനുവദിക്കും. നെഹ്റു ട്രോഫി വള്ളംകളിക്ക് പണം അനുവദിക്കുമെന്ന് ടൂറിസം മന്ത്രി പറഞ്ഞിട്ടുണ്ടെന്നും അദ്ദേഹം പറഞ്ഞു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.