• കൊൽക്കത്തയിൽ പി.ജി ട്രെയിനി ഡോക്ടർ ബലാത്സംഗത്തിനിരയായി കൊല്ലപ്പെട്ട
സംഭവത്തിൽ ജൂനിയർ ഡോക്ടർമാരുടെ പ്രതിഷേധം തുടരുന്നു. മുഖ്യപ്രതി
സഞ്ജയ് റോയി ഒറ്റക്കാണ് കൊലചെയ്തതെന്ന നിഗമനത്തിലാണ് സിബിഐ.
• തദ്ദേശ സ്ഥാപനങ്ങളിൽനിന്ന്‌ ഭവന ആനുകൂല്യം ലഭിച്ച എല്ലാവർക്കും വീട് വിൽക്കാനുള്ള സമയപരിധി ഏഴ് വർഷമായി കുറച്ച് ഉത്തരവായി.
• ഷിരൂർ മണ്ണിടിച്ചിലിൽ കാണാതായ അർജുന് വേണ്ടിയുള്ള തിരച്ചിൽ പുനരാരംഭിക്കും.
ഷിരൂരിൽ നിലവിൽ കാലാവസ്ഥ വളരെ അനുകൂലമാണ്. മഴ കുറഞ്ഞു നിൽക്കുന്ന
കാലാവസ്ഥയാണ് ഇപ്പോൾ.
• മധ്യ ബംഗാൾ ഉൾക്കടലിനും വടക്കൻ ബംഗാൾ ഉൾക്കടലിനും മുകളിലായി ന്യൂനമർദ്ദം
സ്ഥിതിചെയ്യുന്ന സാഹചര്യത്തിൽ സംസ്ഥാനത്ത് മഴ തുടരുമെന്ന് കേന്ദ്ര
കാലാവസ്ഥാ വകുപ്പിന്റെ മുന്നറിയിപ്പ്.
• സംഘർഷം രൂക്ഷമായ മണിപ്പുരിൽ ആഭ്യന്തരയുദ്ധത്തിന്‌ സമാനമായ സ്ഥിതിയെന്ന് റിപ്പോർട്ട്.
• പാൽ, പാലുൽപ്പന്ന
വിറ്റുവരവിൽ വർധന രേഖപ്പെടുത്തി മിൽമ. മിൽമയുടെയും മേഖല യൂണിയനുകളുടെയും
2023-24 വർഷത്തെ വിറ്റുവരവിൽ 5.52 ശതമാനത്തിന്റെ വർധനയാണ്
രേഖപ്പെടുത്തിയത്.
• ഇരുപത്തിയഞ്ച്
സെന്റുവരെയുള്ള ഭൂമി തരംമാറ്റ അപേക്ഷകൾ അടിയന്തരമായി തീർപ്പാക്കാൻ
അദാലത്തുകൾ സംഘടിപ്പിക്കുമെന്ന് റവന്യു മന്ത്രി കെ രാജൻ.
• അനിശ്ചിതത്വങ്ങൾക്കൊടുവിൽ
ബോയിങ്‌ സ്‌റ്റാർലൈനർ പേടകം അന്താരാഷ്ട്ര ബഹിരാകാശ നിലയത്തിൽനിന്ന്‌
ഭൂമിയിൽ തിരിച്ചെത്തി. സുരക്ഷാകാരണങ്ങളാൽ ആളില്ലാതെയാണ്‌ പേടകം
മടങ്ങിയെത്തിയത്‌.
• കേന്ദ്ര ജലകമീഷനിലും
സുപ്രീംകോടതിയിലും കേരളത്തിനുവേണ്ടി അന്തർസംസ്ഥാന ജലവിഷയം കൈകാര്യം ചെയ്യാൻ
കെഎസ്‌ഇബി ഡെപ്യൂട്ടി ചീഫ്‌ എൻജിനീയർ (സിവിൽ) ജെയിംസ്‌ വിൽസനെ നിയോഗിച്ചു.
ഡാം സുരക്ഷാ വിദഗ്‌ധനായ ജെയിംസ്‌ വിൽസൻ മുല്ലപ്പെരിയാർ സ്പെഷ്യൽ സെൽ മുൻ
അംഗമാണ്‌.
• പടന്നക്കാട് കാര്‍ഷിക കോളേജ് ഹോസ്റ്റലില്‍ വിദ്യാര്‍ഥികള്‍ക്ക് എച്ച് 3
എന്‍ 2 വും എച്ച് 1 എന്‍ 1 രോഗവും സ്ഥിരീകരിച്ചു. അഞ്ച്
വിദ്യാര്‍ത്ഥികള്‍ക്കാണ് രോഗം സ്ഥിരീകരിച്ചത്.
• മാർപാപ്പയെ വധിക്കാൻ ശ്രമിച്ച 7പേർ ഇന്തൊനീഷ്യയിൽ അറസ്റ്റിൽ. മൂന്നു
ദിവസത്തെ ഇന്തൊനേഷ്യ സന്ദര്‍ശനം പൂര്‍ത്തിയാക്കി ഇന്നലെ പാപ്പുവ
ന്യൂഗിനിയിലെത്തി.
• പക്ഷിപ്പനിയെ തുടർന്ന് നിയന്ത്രണങ്ങൾ നാലു ജില്ലകളിൽ കോഴി, താറാവ്
വളർത്തലിന് നിരോധനം ഏർപ്പെടുത്തി സർക്കാർ ഗസറ്റ് വിജ്ഞാപനം. ഡിസംബർ 31 വരെ
നാലു മാസത്തേക്കാണ് നിരോധനം.
• പ്രതിപക്ഷനേതാവ് രാഹുൽഗാന്ധിയുടെ അമേരിക്കൻ സന്ദർശനത്തിന് ഇന്ന് തുടക്കം.
മൂന്ന് ദിവസത്തെ സന്ദർശന പരിപാടികൾക്കായാണ് രാഹുൽ അമേരിക്കയിൽ എത്തുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.