• ഉത്തരേന്ത്യന് സംസ്ഥാനങ്ങളില് ശക്തമായ മഴ തുടരുന്നു. ദില്ലിയിലും
ഹരിയാനയിലും വെള്ളക്കെട്ട് രൂക്ഷം. കനത്ത മഴ റെയില് -റോഡ് ഗതാഗങ്ങളെ
കാര്യമായി ബാധിച്ചു. പഞ്ചാബ്, രാജസ്ഥാന് സംസ്ഥാനങ്ങളില് മഴക്കെടുതിയില്
ദുരിതത്തിൽ.
• സംസ്ഥാനത്ത് അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പിന്റെ
മുന്നറിയിപ്പ്. ഇന്ന് പത്തനംതിട്ട, ഇടുക്കി
ജില്ലകളിലാണ് അതിശക്തമായ മഴ മുന്നറിയിപ്പ്.
• വയനാടിനെ കരകയറ്റാനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന
പ്രവാഹം. മുഖ്യമന്ത്രിയുടെ ദുരിതാശ്വാസനിധിയിലേക്കുള്ള സംഭാവന 110 കോടി
കടന്നു.
• ഉരുള്പൊട്ടലില് രേഖകള് നഷ്ടപ്പെട്ടവര്ക്ക് സേവന രേഖകള് ലഭ്യമാക്കി
സര്ക്കാര് സംവിധാനം. ദുരിതാശ്വാസ ക്യാമ്പുകളില് രണ്ട് ദിവസങ്ങളിലായി 1162 അവശ്യ സേവന രേഖകളാണ് വിതരണം ചെയ്തത്.
• വയനാട്ടിലെ ഉരുള്പൊട്ടലിനെ അതിജീവിച്ചവരുടെ പുനരധിവാസം ഈ മാസം
പൂര്ത്തിയാക്കുമെന്ന് മന്ത്രി കെ രാജന്. വാടക വീട് സ്വയം
കണ്ടെത്തുന്നവര്ക്ക് സര്ക്കാര് വാടക നല്കും.
• വയനാട് ജില്ലയിലെ മുണ്ടക്കൈയിൽ ഉണ്ടായ ഉരുൾപ്പൊട്ടൽ ദുരന്തത്തിന്റെ
പശ്ചാത്തലത്തിൽ കേരള ബാങ്ക് ചൂരൽമല ശാഖയിലെ വായ്പക്കാരുടെ മുഴുവൻ വായ്പകളും എഴുതി തള്ളുന്നതിന് ബാങ്ക് ഭരണസമിതി യോഗം തീരുമാനിച്ചു.
• മദ്യനയക്കേസില് സിബിഐ അറസ്റ്റിനെതിരെ മുഖ്യമന്ത്രി അരവിന്ദ് കെജ്രിവാള് സുപ്രീംകോടതിയിൽ.
• സ്വതന്ത്ര അന്വേഷണം നേരിടാൻ തയ്യാറാകുമോയെന്ന് സെബി മേധാവി മാധബി പുരിയെ വെല്ലുവിളിച്ച് ഹിൻഡൻബർഗ് റിസെർച്ച് രംഗത്ത്.
• കർണാടക ഷിരൂരിൽ
മണ്ണിടിച്ചിലിൽ കുടുങ്ങി കാണാതായ മലയാളി ലോറി ഡ്രൈവർ അർജുൻ അടക്കം മൂന്ന്
പേർക്കായുള്ള തിരച്ചിൽ ചൊവ്വാഴ്ച പുനഃരാരംഭിക്കും. അർജുനൊപ്പം രണ്ട്
കർണാടക സ്വദേശികളെയും കണ്ടെത്തേണ്ടതുണ്ട്.
• ദേശീയ ഉന്നത വിദ്യാഭ്യാസ
ഗുണനിലവാര പരിശോധനയിൽ തിളക്കമാർന്ന നേട്ടം കൊയ്ത് കേരളത്തിലെ
സർവകലാശാലകൾ. നാഷണൽ ഇൻസ്റ്റിറ്റ്യൂഷണൽ റാങ്കിങ് ഫ്രെയിംവർക്കിന്റെ പൊതുമേഖല സർവകലാശാലകളിലെ ആദ്യ 15 റാങ്കിൽ കേരളത്തിന്റെ മൂന്ന്
സർവകലാശാലകൾ സ്ഥാനം ഉറപ്പിച്ചു.
• പതിമൂന്ന് വർഷത്തിനിടെ
സംസ്ഥാനത്ത് പ്രവർത്തനം അവസാനിപ്പിച്ചത് 2543 ക്വാറികൾ. 2011ൽ 3104
ക്വാറികളാണ് പ്രവർത്തിച്ചിരുന്നതെങ്കിൽ ഇപ്പോഴുള്ളത് 561 മാത്രം.
• മുല്ലപ്പെരിയാർ ഡാം
സുരക്ഷാവിഷയത്തിൽ സർക്കാർ ജനങ്ങൾക്കൊപ്പമാണെന്ന് ജലവിഭവ മന്ത്രി റോഷി
അഗസ്റ്റിൻ. ഇടുക്കി കലക്ടറേറ്റിൽ ചേർന്ന ഉദ്യോഗസ്ഥതല അവലോകനയോഗത്തിൽ
സംസാരിക്കുകയായിരുന്നു മന്ത്രി.
• തൃപ്പൂണിത്തുറയില്
നടക്കുന്ന ചരിത്രപ്രസിദ്ധമായ അത്തച്ചമയ ഘോഷയാത്രയ്ക്ക് മാറ്റമില്ല.
ഘോഷയാത്രയ്ക്ക് ശേഷമുള്ള തുക മുഖ്യമന്ത്രിയുടെ ദുരിതാശ്വാസ നിധിയിലേക്ക്
നല്കും.
• തദ്ദേശ സ്വയംഭരണ വകുപ്പിലെ പ്രവര്ത്തനങ്ങള് പരിഷ്കരിക്കുന്നു. കെട്ടിട
നിര്മ്മാണ ചട്ടങ്ങളില് അടക്കം സമഗ്ര ഭേദഗതിയാണ് നടപ്പാക്കാന്
പോകുന്നതെന്ന് മന്ത്രി എം ബി രാജേഷ് വാര്ത്താസമ്മേളനത്തില് പറഞ്ഞു.
• ജസ്റ്റിസ് ഹേമ കമ്മീഷന് റിപ്പോര്ട്ട് പുറത്തു വിടരുതെന്ന ഹര്ജിയില്
ഹൈക്കോടതി വിധി ഇന്ന്. ഉച്ചയ്ക്ക് രണ്ട് മണിക്കാണ് സിംഗിള് ബഞ്ച് വിധി
പറയുക. ചലച്ചിത്ര നിര്മ്മാതാവ് സജിമോന് പാറയില് നല്കിയ ഹര്ജിയില്
ജസ്റ്റിസ് വി.ജി അരുണിറ്റ് ബഞ്ചാണ് വിധി പറയുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.