• ശക്തമായ മഴ തുടരുന്ന സാഹചര്യത്തിൽ വയനാട്, കോഴിക്കോട്, കാസർകോട്, കണ്ണൂർ,
മലപ്പുറം, തൃശൂർ, എറണാകുളം എന്നീ ജില്ലകളിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു.
• വിഴിഞ്ഞം അന്താരാഷ്ട്ര തുറമുഖത്ത് എത്തിയ ആദ്യ മദർഷിപ് സാന്‍ ഫെര്‍ണാണ്ടോ വിഴിഞ്ഞത്തു നിന്ന് ഇന്ന് പുറപ്പെടും. 1930 കണ്ടെയ്‌നറുകളാണ്
വിഴിഞ്ഞത്ത് ഇറക്കിയത്.
• മുൻ അമേരിക്കൻ പ്രസിഡൻ്റും റിപ്പബ്ലിക്കൻ പ്രസിഡന്റ് സ്ഥാനാർത്ഥിയുമായ
ഡൊണാൾഡ് ട്രംപിന് പെൻസിൽവാനിയയിൽ തെരഞ്ഞെടുപ്പ് റാലിക്കിടെ വെടിയേറ്റു.
വെടിവച്ചയാളെ രഹസ്യാന്വേഷണ വിഭാഗം വെടിവച്ച് കൊന്നതായി പൊലീസ് അറിയിച്ചു.
• സുസ്ഥിര വികസന സൂചികയിൽ കേരളം ഇന്ത്യയിൽ വീണ്ടും ഒന്നാമത്. ജനക്ഷേമവും
സാമൂഹ്യപുരോഗതിയും മുൻനിർത്തി ഇടതുപക്ഷ ജനാധിപത്യ മുന്നണി സർക്കാർ
നടത്തുന്ന പ്രവർത്തനങ്ങൾക്കും അതിനു ജനങ്ങൾ നൽകുന്ന പിന്തുണയ്ക്കുമുള്ള
അംഗീകാരമാണ് ഈ നേട്ടമെന്ന് മുഖ്യമന്ത്രി പിണറായി വിജയന്‍ പറഞ്ഞു.
• കൊങ്കൺ പാതയിൽ മണ്ണിടിച്ചിൽ ഉണ്ടായതിനെ തുടർന്ന് ട്രെയിൻ ഗതാഗതം വീണ്ടും
തടസ്സപ്പെട്ടു. രത്നഗിരി ജില്ലയിൽ റെയിൽവേ ട്രാക്കിലേക്ക് മണ്ണിടിഞ്ഞ്
വീഴുകയായിരുന്നു.
• വിമ്പിള്‍ഡന്‍ കിരീടം സ്പെയിനിന്റെ കാര്‍ലോസ് അല്‍ക്കരാസിന്. ഫൈനലില്‍ നൊവാക് ജോക്കോവിച്ചിനെ നേരിട്ടുള്ള സെറ്റുകള്‍ക്ക് തകര്‍ത്തു.
• തുടര്‍ച്ചയായി രണ്ടാം യൂറോ കപ്പ് ഫൈനലില്‍ ഇംഗ്ലണ്ടിന് തോല്‍വി. നാലാം യൂറോ
കിരീടവുമായി ചരിത്രം കുറിച്ച് സ്പെയിന്‍. കളിതീരാന്‍ നാലുമിനിറ്റ്
മാത്രമുള്ളപ്പോള്‍ പകരക്കാരന്‍ മിക്കേല്‍ ഒയാര്‍സബല്‍ നേടിയ ഗോളാണ്
സ്പെയിനിനെ വീണ്ടും യൂറോപ്പിലെ ഫുട്ബോള്‍ രാജാക്കന്മാരാക്കിയത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.