● സംസ്ഥാനത്തെ പ്രതിദിന വൈദ്യുതി ഉപയോഗത്തിൽ കുറവ്. ഇന്നലത്തെ ആകെ ഉപയോഗം
103.28 ദശലക്ഷം യൂണിറ്റ് ആണ്. പീക് ആവശ്യകതയും കുറഞ്ഞു. കഴിഞ്ഞ ദിവസത്തെ
പീക് ആവശ്യകത 5482 മെഗാവാട്ട് ആണ് രേഖപ്പെടുത്തിയത്.
● സംസ്ഥാനത്ത് രണ്ടുദിവസം കൂടി ഉയർന്ന താപനില തുടരുമെന്ന് കേന്ദ്ര കാലാവസ്ഥാ
വകുപ്പ്. ഇടുക്കി, വയനാട് ഒഴികെയുള്ള ജില്ലകളിൽ യെല്ലോ അലർട്ട് തുടരുകയാണ്.
● സംസ്ഥാനത്ത് വരുന്ന അഞ്ച് ദിവസത്തേക്ക് ഒറ്റപ്പെട്ട മഴയ്ക്ക്
സാധ്യതയുള്ളതിനാൽ വിവിധ ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ
അലേർട്ട് പ്രഖ്യാപിച്ചു. മലപ്പുറം, വയനാട്, ഇടുക്കി ജില്ലകളിൽ ഒറ്റപ്പെട്ട
ശക്തമായ മഴയ്ക്ക് സാധ്യത.
● നഴ്‌സിങ് പഠനം കഴിഞ്ഞാല്‍ ഒരു വര്‍ഷത്തെ നിര്‍ബന്ധിത പരിശീലനം വേണ്ടെന്ന്
സുപ്രീംകോടതി. നിര്‍ബന്ധിത പരീശീലനം വേണ്ടെന്ന കേരള സര്‍ക്കാര്‍ തീരുമാനം
സുപ്രീംകോടതി ശരിവെച്ചു.
● ദക്ഷിണാഫ്രിക്കയിൽ നിന്നും കൊണ്ടുവന്ന ചീറ്റകൾ ചത്തൊടുങ്ങിയതോടെ രണ്ടാം ഘട്ട പദ്ധതി
പ്രഖ്യാപിച്ച് കേന്ദ്രം. കെനിയയില്‍ നിന്നാണ് ഇത്തവണ ചീറ്റകളെ എത്തിക്കാൻ
കേന്ദ്ര സര്‍ക്കാര്‍ പദ്ധതിയിടുന്നത്.
● മുഖ്യമന്ത്രിക്കും മകൾക്കും എതിരായി മാത്യു കുഴൽനാടൻ കൊടുത്ത ഹർജി തെളിവുകൾ ഇല്ലെന്ന കാരണത്താൽ വിജിലൻസ് കോടതി തള്ളി.
● പത്ത്‌ സംസ്ഥാനത്തും ഒരു കേന്ദ്രഭരണ പ്രദേശത്തുമായി 94 ലോക്‌സഭാ മണ്ഡലത്തിൽ ചൊവ്വാഴ്‌ച വോട്ടെടുപ്പ്‌. 1351 സ്ഥാനാർഥികൾ രംഗത്തുണ്ട്‌.
● ഇന്ത്യൻ വംശജയും നാസാ സഞ്ചാരിയുമായ സുനിതാ വില്ല്യംസിന്റെ മൂന്നാമത്‌ ബഹിരാകാശ ദൗത്യം ചൊവ്വാഴ്‌ച. ഇന്ത്യൻ സമയം രാവിലെ 8.30ന്‌ യുഎസിലെ കെന്നഡി ബഹിരാകാശ നിലയത്തിൽനിന്ന്‌ ബോയിങ് സ്റ്റാർലൈനർ ബഹിരാകാശ പേടകം കുതിക്കും.
● ഐപിഎല്ലില്‍ നിര്‍ണായക മത്സരത്തില്‍ സണ്‍റൈസേഴ്‌സ് ഹൈദരാബാദിനെതിരെ മുംബൈ ഇന്ത്യൻസിന് ഏഴ് വിക്കറ്റിന്റെ ജയം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.