● സംസ്ഥാനത്ത് ഉയര്ന്ന താപനില മുന്നറിയിപ്പുമായി കേന്ദ്ര കാലാവസ്ഥ വകുപ്പ്.
2024 മെയ് 07 വരെ സാധാരണയെക്കാള് 2 – 4°C കൂടുതൽ ഉയരാന് സാധ്യതയെന്ന് കേന്ദ്ര കാലാവസ്ഥ
വകുപ്പ് അറിയിക്കുന്നു.
● മൂന്നാംഘട്ട ലോക്സഭാ തെരഞ്ഞെടുപ്പിന്റെ പ്രചാരണപ്രവർത്തനങ്ങൾ ഞായറാഴ്ച അവസാനിച്ചു. ചൊവ്വാഴ്ച 12 സംസ്ഥാനങ്ങളിലായി 94 ലോക്സഭാ മണ്ഡലങ്ങൾ പോളിങ് ബൂത്തിലെത്തും.
● സംരംഭക വർഷം പദ്ധതിയിലൂടെ കേരളത്തിൽ കഴിഞ്ഞ രണ്ട് വർഷത്തിനിടെ ആരംഭിച്ചത് 2,44,702 സംരംഭങ്ങളെന്ന് റിപ്പോർട്ടുകൾ. ദേശീയതലത്തിൽ എംഎസ്എംഇ മേഖലയിലെ ബെസ്റ്റ് പ്രാക്റ്റീസ് അംഗീകാരം നേടിയ പദ്ധതിയാണ് സംരംഭക വര്ഷം.
● കായംകുളം പുനലൂര് റോഡില് കാറില് സാഹസിക യാത്രനടത്തിയ അഞ്ചു
യുവാക്കള്ക്കും ശിക്ഷ സാമൂഹിക സേവനം. മാവേലിക്കര ജോയിന്റ് ആര്ടിഒയുടേതാണ്
നടപടി. ആലപ്പുഴ മെഡിക്കല് കോളജിലും പത്തനാപുരം ഗാന്ധിഭവനിലും കൂടി ഏഴ്
ദിവസം സന്നദ്ധ സേവനം നടത്തണം.
● ഇന്ത്യയില് കുട്ടികള്ക്കായുള്ള പോഷകാഹാര ഉത്പന്നങ്ങളില് ഉയര്ന്ന
അളവില് പഞ്ചസാര ചേര്ക്കുന്നത് ഫാറ്റി ലിവറിന് കാരണമാകുമെന്ന് വിദഗ്ധര്.
● ഐപിഎലിൽ ലക്നൗവിനെ വീഴ്ത്തി കൊൽക്കത്ത നൈറ്റ് റൈഡേഴ്സ്. 98 റൺസിനാണ്
കൊൽക്കത്ത വിജയം കുറിച്ചത്. 236 റൺസിൻ്റെ വിജയലക്ഷ്യവുമായി ഇറങ്ങിയ ലക്നൗ
16.1 ഓവറിൽ 137 റൺസിന് ഓൾ ഔട്ടായി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.