തെലങ്കാനയിലെ ലക്സേറ്റിപ്പെട്ടിലുള്ള മദർ തെരേസ ഇംഗ്ലീഷ് മീഡിയം സ്‌കൂളിന് നേരെ ഹിന്ദുത്വ സംഘടനകൾ ആക്രമണം നടത്തി. ഏതാനും വിദ്യാർത്ഥികൾ സ്കൂൾ യൂണിഫോമിന് പകരം മതപരമായ വസ്ത്രം ധരിച്ചതാണ് ആക്രമണത്തിന് കാരണം.
അക്രമികൾ കെട്ടിടത്തിന് മുകളിൽ കാവി പതാക കെട്ടുകയും മദർ തെരേസയുടെ പ്രതിമ നശിപ്പിക്കുകയും ചെയ്തു. മലയാളി വൈദികൻ ഫാ. ജയ്‌സൺ ജോസഫിനെ ക്രൂരമായി മർദിക്കുകയും ജയശ്രീറാമിനെ വിളിപ്പിക്കുകയും ചെയ്തു. പുരോഹിതൻ്റെ നെറ്റിയിൽ കുങ്കുമം ചാർത്തി.
ജയ് ശ്രീറാം വിളിച്ച നൂറോളം പേരാണ് സ്‌കൂളിന് നേരെ ആക്രമണം നടത്തിയത്. ഇന്നലെ രാവിലെ എട്ടരയോടെയാണ് സംഭവം.
സ്കൂൾ യൂണിഫോം ധരിക്കാതെ ഹനുമാൻ ദീക്ഷിക്കുന്ന വേഷം ധരിച്ച് ഏതാനും കുട്ടികൾ സ്‌കൂളിൽ എത്തിയതോടെയാണ് പ്രശ്‌നങ്ങൾക്ക് തുടക്കമായത്. ഈ കുട്ടികളുടെ മാതാപിതാക്കളോട് സംസാരിക്കാനും അധികൃതർ ആവശ്യപ്പെട്ടു. തൊട്ടടുത്ത ദിവസം തന്നെ ഒരു സംഘം ഹിന്ദുത്വ പ്രവർത്തകർ സ്കൂളിലെത്തി അക്രമം നടത്തി. രാവിലെ ക്ലാസ് തുടങ്ങിയപ്പോൾ ജയ് ശ്രീറാം എന്ന് വിളിച്ച് സ്കൂളിലേക്ക് ഇരച്ചുകയറി.
മദർ തെരേസയുടെ പ്രതിമ കല്ലെറിഞ്ഞ് തകർത്തു. സിസിടിവി ദൃശ്യങ്ങൾ പരിശോധിച്ച ശേഷം തുടർനടപടി സ്വീകരിക്കുമെന്ന് പൊലീസ് അറിയിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.