പൂരത്തിന് ഇനി മണിക്കൂറുകള്‍ മാത്രം ... #TrissurPooram




 തൃശൂർ പൂരത്തിന് ഇനി മണിക്കൂറുകൾ. പൂര വിളംബരം നടത്തി നൈതലക്കാവ് ഭഗവതി തട്ടകത്തേയ്ക്കു മടങ്ങി.കൊച്ചിൻ ദേവസ്വം ബോർഡിൻ്റെ കൊമ്പൻ എറണാകുളം ശിവകുമാറാണ് നൈതലക്കാവ് ഭഗവതിയുടെ തിടമ്പേറ്റിയത്.നൈതലക്കാവിലമ്മയെ വിളിച്ചറിയിച്ചതോടെയാണ് തൃശൂർ പൂരത്തിൻ്റെ ചടങ്ങുകൾ ആരംഭിച്ചത്.

നാളെയാണ് പ്രസിദ്ധമായ തൃശൂർ പൂരം. നാളെ കണിമംഗലം ശാസ്താവ് തെക്കേഗോപുര നടയിലൂടെ പ്രവേശിക്കും. നാളെ പൂരത്തിനെത്തുന്ന 90 ആനകളുടെ കായികക്ഷമതാ പരിശോധന ഉച്ചയ്ക്കുശേഷം രണ്ടു മണിയോടെ തേക്കിൻകാട് മൈതാനവും പാറമേക്കാവും ആനകളെക്കൊണ്ട് നിറയും.

രാവിലെ ആറുമണിക്ക് ശേഷമാണ് നെയ്തലക്കാവിലമ്മ എറണാകുളം ശിവകുമാറിൻ്റെ തിടമ്പേറി വടക്കുന്നാഥനിലേക്ക് പുറപ്പെട്ടത്. പാറമേക്കാവ് വഴി തേക്കിൻകാട്ടിലേക്ക് കയറിയ നൈതലക്കാവിലമ്മ മണികണ്ഠനാലിൽ എത്തി.

അവിടെ നിന്ന് പാണ്ടിമേളത്തിൻ്റെ അകമ്പടിയോടെ ശ്രീമൂലസ്ഥാനത്ത് എത്തി. പ്രദക്ഷിണ വഴിയിലൂടെ വടക്കും വടക്കും കടന്ന് 12 മണിയോടെ തെക്കേ ഗോപുരം തുറന്നു. ഇനിയുള്ള 36 മണിക്കൂർ നാദ, മേള വർണ്ണ വിസ്മയങ്ങളുടെ ഒരു അത്ഭുതലോകമാണ്.