പതിനേഴുകാരന് മുതലയുടെ കടിയേറ്റു ; ഇരുകാലുകൾക്കും പരുക്ക്...#Accident

വാൽപ്പാറയിൽ 17 വയസ്സുകാരനെ മുതല കടിച്ചു. വാൽപ്പാറ മാനാമ്പിള്ളിയിൽ പുഴയിൽ കുളിക്കാനിറങ്ങിയ അജയ് -യെ മുതല കടിക്കുകയായിരുന്നു. അജയ് യുടെ ഇരു കാലുകൾക്കും സാരമായി പരിക്കേറ്റു.

  ഇന്നലെ വൈകുന്നേരമാണ് സംഭവം. അജയെ വാൽപ്പാറ സർക്കാർ ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകി. പരിക്ക് ഗുരുതരമായതിനാൽ വിദഗ്ധ ചികിത്സയ്ക്കായി പൊള്ളാച്ചി സർക്കാർ ആശുപത്രിയിലേക്ക് മാറ്റി. പരിക്കേറ്റ അജയ് വാൽപ്പാറ വേവർലി എസ്റ്റേറ്റിലാണ് താമസിക്കുന്നത്.