ഒമാനിൽ കനത്ത മഴയിലും വെള്ളപ്പൊക്കത്തിലും ഒരു മലയാളി ഉൾപ്പെടെ 12 പേർ മരിച്ചു. കൊല്ലം സ്വദേശി സുനിൽകുമാർ സദാനന്ദനാണ് മരിച്ചത്. മരിച്ചവരിൽ ഒമ്പത് വിദ്യാർത്ഥികളും ഉൾപ്പെടുന്നു. കാണാതായവർക്കായി തിരച്ചിൽ തുടരുകയാണ്. ന്യൂനമർദത്തിൻ്റെ ഭാഗമായി ഒമാനിൽ കനത്ത മഴ പെയ്യുന്നു. വടക്കൻ പ്രദേശങ്ങളിൽ കനത്ത മഴയാണ്. ന്യൂനമർദത്തെ തുടർന്ന് ഇന്ന് രാവിലെ ഒമാനിൽ ശക്തമായ കാറ്റും മഴയും ആരംഭിക്കും. ഉച്ചയോടെ മഴ ശക്തമായി. വിവിധ ഭാഗങ്ങൾ വെള്ളത്തിൽ മുങ്ങി.
കനത്ത മഴയിൽ മതിൽ ഇടിഞ്ഞുവീണ് മലയാളി മരിച്ചു. ഒരു കുട്ടിയെയും കാണാതായിട്ടുണ്ട്. കുട്ടിക്കായി തിരച്ചിൽ തുടരുകയാണ്. സ്കൂൾ കെട്ടിടത്തിലേക്ക് വെള്ളം കയറി. നിർത്തിയിട്ടിരുന്ന നിരവധി വാഹനങ്ങൾ വെള്ളപ്പൊക്കത്തിൽ ഒലിച്ചുപോയതായും റിപ്പോർട്ടുകളുണ്ട്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.