• കുതിച്ചുയരുന്ന ചൂടിൽ രാജ്യമെങ്ങും വൈദ്യുതി ഉപയോഗം ഉയർന്നു. മാർച്ച്‌
മുതൽ സ്ഥിതി മോശമാകാൻ തുടങ്ങുമെന്നും ഏപ്രിൽ, മെയ്‌ മാസങ്ങളിൽ അതീവ
രൂക്ഷമാകുമെന്നുമാണ്‌ വിവരം.
• സംസ്ഥാന സർക്കാരിന്റെ പരമോന്നത ബഹുമതിയായ എഴുത്തച്ഛൻ പുരസ്‌കാരം പ്രമുഖ
എഴുത്തുകാരൻ ഡോ. എസ് കെ വസന്തന് മുഖ്യമന്ത്രി പിണറായി വിജയൻ സമ്മാനിച്ചു.
• തിരുവനന്തപുരത്ത് നിന്ന് ആലപ്പുഴ വഴി കാസർകോട്ടേക്ക് സർവീസ് നടത്തുന്ന
വന്ദേഭാരത് എക്‌സ്പ്രസ് മംഗളൂരു വരെ നീട്ടി റെയിൽവേ ബോർഡ് ഉത്തരവിറക്കി.
എന്നുമുതലാണ് സർവീസ് ആരംഭിക്കുക എന്ന് ഉത്തരവിൽ വ്യക്തമാക്കിയിട്ടില്ല.
• സംസ്ഥാനത്തെ 23 തദ്ദേശവാർഡുകളിലെ ഉപതെരഞ്ഞെടുപ്പ് ഇന്ന് നടക്കും.
രാവിലെ ഏഴു മുതൽ വൈകിട്ട്‌ ആറുവരെയാണ് വോട്ടെടുപ്പ്‌. പത്ത് ജില്ലകളിലായി
ഒരു കോർപ്പറേഷൻ വാർഡിലും നാല് മുനിസിപ്പാലിറ്റി വാർഡുകളിലും 18 പഞ്ചായത്ത്
വാർഡുകളിലുമാണ് ഉപതെരഞ്ഞെടുപ്പ്.
• പൊലീസ് വകുപ്പില്‍ 190 പൊലിസ് കോണ്‍സ്റ്റബിള്‍ – ഡ്രൈവര്‍ തസ്തികകള്‍ സൃഷ്ടിക്കാന്‍ മന്ത്രിസഭായോഗം തീരുമാനമായി.
• പ്രമുഖ നിയമജ്ഞനും മുതിർന്ന അഭിഭാഷകനുമായ ഫാലി എസ് നരിമാൻ അന്തരിച്ചു. 95
വയസ്സായിരുന്നു. പ്രസിദ്ധമായ എൻജെഎസി വിധി ഉൾപ്പെടെ നിരവധി സുപ്രധാന കേസുകൾ
ഫാലി എസ് നരിമാൻ വാദിച്ചിട്ടുണ്ട്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.