കാട്ടാന ആക്രമണം; കൊല്ലപ്പെട്ട പോളിൻ്റെ മൃതദേഹം വയനാട്ടിലേക്ക് കൊണ്ടുപോകും
കാട്ടാന ആക്രമണത്തിൽ കൊല്ലപ്പെട്ട പോളിൻ്റെ മൃതദേഹം 7 മണിക്ക്
വയനാട്ടിലേക്ക് കൊണ്ടുപോകും. കോഴിക്കോട് മെഡിക്കൽ കോളേജിൽ അർധ രാത്രിയോടെ
പോസ്റ്റ്മോർട്ടം പൂർത്തിയായി. കുറുവ ദ്വീപ് പാക്കം സ്വദേശി കൊല്ലപ്പെട്ട
പോൾ. കുറുവ ദ്വീപിലെ വാച്ചറായിരുന്നു ഇദ്ദേഹം.
•
കേരളത്തിലെ ആദ്യത്തെ ലിഫ്റ്റ് ബ്രിഡ്ജില്‍ ട്രയല്‍ റണ്‍ വിജയകരം; ഉദ്ഘാടനം 20ന്
കേരളത്തിലെ ആദ്യത്തെ ലിഫ്റ്റ് ബ്രിഡ്ജ് കരിക്കകത്ത് ഉദ്ഘാടനത്തിന് ഒരുങ്ങി.
ഉള്‍നാടന്‍ ജല ഗതാഗത വകുപ്പ് നടത്തിയ ട്രയല്‍ റണ്‍ വിജയകരം. ഈ മാസം 20ന്
മുഖ്യമന്ത്രി പിണറായി വിജയന്‍ ലിഫ്റ്റ് ബ്രിഡ്ജ് ഉദ്ഘാടനം ചെയ്യും.
• മനസ്സറിഞ്ഞ്‌ പഠിക്കാം,
വരുമാനവും നേടാം ; നൈപുണ്യ പരിശീലന കേന്ദ്രങ്ങൾ വരുന്നു
വിദ്യാർഥികൾക്ക്‌ അഭിരുചിക്ക്‌ അനുസരിച്ച്‌ പഠിക്കാനും ഭാവി തൊഴിൽ സാധ്യത
ഉറപ്പാക്കാനും നൈപുണ്യ പരിശീലനകേന്ദ്രങ്ങൾ ആരംഭിക്കുമെന്ന്‌ മന്ത്രി വി
ശിവൻകുട്ടി വാർത്താസമ്മേളനത്തിൽ അറിയിച്ചു.
• മലയോര ഹൈവേ 133 കി.മീ പൂർത്തിയായി, 2027 -ൽ പൂർത്തിയാകും.
മലയോര ഹൈവേ നിർമാണം സംസ്ഥാനത്ത് അതിവേഗം മുന്നേറുന്നു. കിഫ്ബി ഫണ്ട്
ഉപയോഗിച്ച് കേരള റോഡ്‌ ഫണ്ട് ബോർഡ്‌ (കെആർഎഫ്ബി) മുഖേന ആകെ 793.68 കി.മീ
നീളത്തിലാണ് പാത. എട്ട് ജില്ലകളിലായി ഇതുവരെ 133.68 കി.മീ നിർമിച്ചു.
• എസ്എസ്എൽസി പരീക്ഷ മാര്‍ച്ച് നാല് മുതല്‍
എസ്എസ്എൽസി പൊതുപരീക്ഷ മാർച്ച് നാല് മുതൽ 25 വരെ നടക്കുമെന്ന് പൊതു
വിദ്യാഭ്യാസ മന്ത്രി വി ശിവൻകുട്ടി വാർത്താസമ്മേളനത്തിൽ അറിയിച്ചു. രാവിലെ
9.30ന് പരീക്ഷ ആരംഭിക്കും. എസ്എസ്എൽസി മോഡൽ പരീക്ഷകൾ ഈ മാസം 19ന് ആരംഭിച്ച്
23ന് അവസാനിക്കും.
• സംസ്ഥാനത്ത് ചൂട് കൂടും: നാല് ജില്ലകളില്‍ യെല്ലോ അലര്‍ട്ട്
സംസ്ഥാനത്ത് ഇന്നും നാളെയും ചൂട് കൂടുമെന്ന് മുന്നറിയിപ്പ്.നാല്
ജില്ലകള്‍ക്കാണ് മുന്നറിയിപ്പുള്ളത്. കണ്ണര്‍, കോട്ടയം, ആലപ്പുഴ,
കോഴിക്കോട് ജില്ലകളില്‍ ചൂടുകൂടുമെന്ന് കാലാവസ്ഥാ വകുപ്പ് പുറത്തുവിട്ട
റിപ്പോര്‍ട്ടില്‍ പറയുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.