സംസ്ഥാന തലസ്ഥാനത്ത് ദേശീയപാതയിൽ ചെമ്പകമംഗലം ജംക്‌ഷനു സമീപം ഓടിക്കൊണ്ടിരുന്ന കെഎസ്ആർടിസി ബസിനു തീപിടിച്ചു. ബസിലെ യാത്രക്കാരും ജീവനക്കാരും സുരക്ഷിതരാണ്. ഇന്ന് രാവിലെ എട്ടരയോടെയാണ് സംഭവം. ആറ്റിങ്ങൽ ഡിപ്പോയിലെ ബസ് കത്തിനശിച്ചു.
നിറയെ യാത്രക്കാരുമായി മെഡിക്കൽ കോളജിലേക്ക് പോവുകയായിരുന്ന കെഎസ്ആർടിസി വേണാട് (ആർഎൻഎ 890) കത്തിനശിച്ചു. ബസിനടിയിൽ നിന്ന് ചെറിയ തോതിൽ പുക ഉയർന്നതോടെ ഡ്രൈവർ ബസ് റോഡരികിൽ നിർത്തി യാത്രക്കാരെ ഇറക്കിവിട്ടതിനാൽ ആളപായം ഒഴിവായി. തുടർന്ന് ആറ്റിങ്ങൽ ഫയർ സ്റ്റേഷനിൽ നിന്ന് രണ്ട് യൂണിറ്റുകൾ എത്തി തീ പൂർണമായും അണച്ചു. ബസ് പൂർണമായും കത്തിനശിച്ചു. സംഭവത്തെ തുടർന്ന് ഏറെ നേരം ഗതാഗതം തടസ്സപ്പെട്ടു. മംഗലപുരം പോലീസ് ഗതാഗതം നിയന്ത്രിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.