ജലനഷ്ടം മൂലം നിർജ്ജലീകരണം സംഭവിക്കാം എന്നതിനാൽ ദാഹം തോന്നിയില്ലെങ്കിലും ഇടയ്ക്കിടെ വെള്ളം കുടിക്കുക. ചൂട് മൂലമുള്ള ചെറിയ ആരോഗ്യപ്രശ്നങ്ങൾ പോലും അവഗണിക്കരുത്. ആരോഗ്യവകുപ്പ് നൽകുന്ന മാർഗനിർദേശങ്ങൾ എല്ലാവരും പാലിക്കണമെന്നും മന്ത്രി അഭ്യർത്ഥിച്ചു.
അമിതമായ ചൂട് സൂര്യാഘാതത്തിനും സൂര്യതാപത്തിനും കാരണമാകും. അന്തരീക്ഷ ഊഷ്മാവ് ഒരു നിശ്ചിത പരിധിക്കപ്പുറം ഉയരുകയാണെങ്കിൽ, മനുഷ്യ ശരീരത്തിലെ താപ നിയന്ത്രണ സംവിധാനങ്ങൾ തകരാറിലാകും. ഊഷ്മാവ് കൂടുമ്പോൾ ശരീരം കൂടുതൽ വിയർക്കുകയും ജലവും ലവണങ്ങളും നഷ്ടപ്പെടുകയും പേശിവലിവ് ഉണ്ടാക്കുകയും ചെയ്യുന്നു.
നിർജ്ജലീകരണം ശരീരത്തിൽ ഉപ്പ് നഷ്ടപ്പെടാൻ ഇടയാക്കും. ഇത് ക്ഷീണം, ബലഹീനത, ബോധക്ഷയം പോലും ഉണ്ടാക്കുന്നു. ആരോഗ്യനില മെച്ചപ്പെട്ടില്ലെങ്കിൽ എത്രയും വേഗം ആശുപത്രിയിൽ എത്തിക്കണം. ശരീര താപനിലയിലെ അമിതമായ വർദ്ധനവ് ശരീരത്തിന്റെ ആന്തരിക പ്രവർത്തനത്തെ തടസ്സപ്പെടുത്തും. ചൂട് അമിതമായ വിയർപ്പിനും ത്വക്ക് രോഗങ്ങൾക്കും കാരണമാകും. ചികിത്സിച്ചില്ലെങ്കിൽ മരണം വരെ സംഭവിക്കാം.
ശ്രദ്ധിക്കേണ്ട പ്രധാന കാര്യങ്ങൾ
●· ദാഹം തോന്നിയില്ലെങ്കിലും ധാരാളം വെള്ളം കുടിക്കുക
●· തിളപ്പിച്ചാറിയ വെള്ളം കുടിക്കാൻ ശ്രദ്ധിക്കുക
●· യാത്ര ചെയ്യുമ്പോൾ വെള്ളം കൊണ്ടുപോകുന്നത് നല്ലതാണ്
●· കടകളിൽ നിന്നും വഴിയോരങ്ങളിൽ നിന്നും ജ്യൂസ് കുടിക്കുന്നവർ ഐസ് ഉണ്ടാക്കുന്നത് ശുദ്ധജലത്തിൽ നിന്നാണെന്ന് ഉറപ്പ് വരുത്തണം. അല്ലെങ്കിൽ മറ്റു പല രോഗങ്ങളും ഉണ്ടാകും
●· വീട്ടിലെ ചടങ്ങുകളിലും ആഘോഷങ്ങളിലും ഉപയോഗിക്കുന്ന ഐസ് ശുദ്ധജലത്തിൽ നിന്നാണെന്ന് ഉറപ്പാക്കുക
●· നേരിട്ട് സൂര്യപ്രകാശം ഒഴിവാക്കുക. ഒരു കുടയോ തൊപ്പിയോ ഉപയോഗിക്കുക
●· അയഞ്ഞ, വെള്ള അല്ലെങ്കിൽ ഇളം നിറമുള്ള വസ്ത്രങ്ങൾ ധരിക്കുക
രാവിലെ 11 മുതൽ വൈകിട്ട് 3 വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കുക
●· പ്രായമായവർ, കൊച്ചുകുട്ടികൾ, ഗർഭിണികൾ, ഗുരുതര രോഗങ്ങൾ ഉള്ളവർ, വെയിലത്ത് ജോലി ചെയ്യുന്നവർ എന്നിവർ പ്രത്യേകം ശ്രദ്ധിക്കണം
●· കുട്ടികളെ വെയിലത്ത് കളിക്കാൻ അനുവദിക്കരുത്
●· വെയിലത്ത് പാർക്ക് ചെയ്യുന്ന കാറുകളിൽ കുട്ടികളെ കയറ്റുന്നത് ഒഴിവാക്കുക
●· വീടിന്റെ വാതിലുകളും ജനലുകളും തുറന്നിടുക, അങ്ങനെ ചൂട് രക്ഷപ്പെടുക
●· നിങ്ങൾക്ക് ക്ഷീണമോ സൂര്യാഘാതമോ അനുഭവപ്പെടുകയാണെങ്കിൽ, തണലിലേക്ക് മാറി വിശ്രമിക്കുക
●· ധരിക്കുന്ന ഭാരമുള്ള വസ്ത്രങ്ങൾ നീക്കം ചെയ്യുക
●· മുഖം വെള്ളത്തിൽ കഴുകി ശരീരം തണുപ്പിക്കുക
●· ഫാൻ, എ.സി എന്നിവയുടെ സഹായത്തോടെ ശരീരം തണുപ്പിക്കുക
●· പഴങ്ങളും സാലഡുകളും കഴിക്കുക
●· ഉപ്പിട്ട കഞ്ഞിവെള്ളം, നാരങ്ങാവെള്ളം, കരിക്കിൻ വെള്ളം മുതലായവ ധാരാളം കുടിച്ച് വിശ്രമിക്കുക
●· ആരോഗ്യനില മെച്ചപ്പെടുന്നില്ലെങ്കിലോ ബോധം നഷ്ടപ്പെടുകയോ ചെയ്താൽ അടുത്തുള്ള ആശുപത്രിയിൽ എത്തിച്ച് ചികിത്സ ഉറപ്പാക്കുക.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.