ഉളിക്കൽ: പയ്യാവൂർ ഭാഗത്ത്‌ നിന്ന് ഉളിക്കല്ലിലേക്ക് വരികയായിരുന്ന കാർ നിയന്ത്രണം വിട്ട് മുണ്ടാനൂർ കള്ള് ഷാപ്പിന് സമീപം തല കീഴായി മറിഞ്ഞ് അപകടം. അപകടത്തിൽ ചെമ്പേരി സെന്റ് മേരീസ് പള്ളി വികാരി ഫാദർ തോമസ് പുന്നൂരാനെ നിസാര പരിക്കുകളോടെ ഇരിട്ടി സ്കൈ ഹോസ്പിറ്റലിൽ പ്രവേശിപ്പിച്ചു.
തളിപ്പറമ്പ് : കാട്ടമ്പള്ളി - ചപ്പാരപ്പടവ് - തടിക്കടവ് തീരദേശ പാതയില്‍ കൂവേരി വള്ളിക്കടവിന് സമീപം കനത്ത മഴയില്‍ റോഡിലേക്ക് മണ്ണിടിഞ്ഞു വീണു. നിരവധി ബസ് റൂട്ടുകളും യാത്രക്കാരും സഞ്ചരിക്കുന്ന പാതയില്‍ അപകട സാധ്യതയില്‍ നിക്കുന്ന മരം യാത്രക്കാര്‍ക്ക് ഭീഷണിയാകുന്നു.
കഴിഞ്ഞ ദിവസം പെയ്ത കനത്ത മഴയിലാണ് മണ്‍ തിട്ടയുടെ ഒരു ഭാഗം റോഡിലേക്ക് പതിച്ചത്. അതോടൊപ്പം മുകള്‍ ഭാഗത്തുള്ള മരത്തിന്‍റെ വേരുകള്‍ വെളിയില്‍ വന്ന നിലയിലാണ്.
റോഡില്‍ കൂടി ദിവസവും അനവധി വാഹനങ്ങള്‍ കടന്നുപോകുന്നത് കൂടാതെ മരം കടപുഴകി വീണാല്‍ ശിഖരങ്ങള്‍ ഉടക്കുന്ന രീതിയില്‍ കെഎസ്ഈബി -യുടെ വൈദ്യുതി ലൈനും കടന്നു പോകുന്നുണ്ട്. ഇതും അപകട സാധ്യത വര്‍ദ്ധിപ്പിക്കുന്നു.
മരം മുറിച്ചു മാറ്റി അപകട സാധ്യത ഇല്ലാതാക്കണം എന്നാണു നാട്ടുകാരുടെ ആവശ്യം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.
