Greeshma എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Greeshma എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

ക്രൂരതയ്ക്ക് തൂക്കുകയർ ; കോളിളക്കം സൃഷ്ടിച്ച ഷാരോൺ കൊലപാതക കേസ് പ്രതി ഗ്രീഷ്മയ്ക്ക് വധശിക്ഷ വിധിച്ച് കോടതി. #Greeshma

തിരുവനന്തപുരം : പാറശാല ഷാരോൺ കൊലക്കേസിൽ പ്രതി ഗ്രീഷ്മയ്ക്ക് വധശിക്ഷ. ഷാരോൺ കൊലക്കേസ് അപൂർവങ്ങളിൽ അപൂർവമായ കേസാണെന്ന് കോടതി വ്യക്തമാക്കി.

കേസിലെ മൂന്നാം പ്രതിയായ അമ്മാവൻ നിർമ്മൽ കുമാറിന് 3 വർഷം തടവ് ശിക്ഷ വിധിച്ചു.

2022 ഒക്ടോബർ 14 ന് ഗ്രീഷ്മ ഷാരോൺ രാജിനെ വീട്ടിലേക്ക് വിളിച്ചുവരുത്തി കാപ്പിക്കോ എന്ന കളനാശിനി കഷായത്തിൽ കലർത്തി കൊലപ്പെടുത്തി. പ്രണയത്തിൽ നിന്ന് പിന്മാറാത്തതിനെ തുടർന്ന് ഗ്രീഷ്മ ഷാരോൺ കൊലപ്പെടുത്തിയെന്നാണു 
 കേസ്. കഷായം കുടിച്ച് 11 ദിവസം ഷാരോൺ ആശുപത്രിയിൽ ചികിത്സയിലായിരുന്ന ഷാരോൺ പിന്നീട് മരണത്തിന് കീഴടങ്ങി.
കഴിഞ്ഞ ദിവസം നടന്ന വാദത്തിനിടെ, പിശാചിന്റെ മനസ്സുള്ള ഒരാൾക്ക് മാത്രമേ ഇത് ചെയ്യാൻ കഴിയൂ എന്നും പ്രതിക്ക് വധശിക്ഷ നൽകണമെന്നും പ്രോസിക്യൂഷൻ ആവശ്യപ്പെട്ടു. എന്നാൽ, മറ്റ് ക്രിമിനൽ പശ്ചാത്തലമൊന്നുമില്ലാത്ത ഗ്രീഷ്മ ആത്മഹത്യയുടെ വക്കിലെത്തിയപ്പോൾ ഇത്തരമൊരു കുറ്റകൃത്യം ചെയ്തുവെന്ന് പ്രതിഭാഗം വാദിച്ചു.

ഇരുവരും ഒരുമിച്ചുള്ള സ്വകാര്യ ദൃശ്യങ്ങൾ കാണിച്ചുകൊണ്ട് ഷാരോൺ ഗ്രീഷ്മയെ ഭീഷണിപ്പെടുത്തിയതായും പ്രതിഭാഗം ചൂണ്ടിക്കാട്ടി.  പ്രതിയുടെ പ്രായം, വിദ്യാഭ്യാസ യോഗ്യത, ഭാവി എന്നിവ പരിഗണിച്ച് ശിക്ഷയിൽ ഇളവ് അനുവദിക്കണമെന്നും പ്രതിഭാഗം കോടതിയിൽ അഭ്യർത്ഥിച്ചു. എന്നാൽ, ഇരുവരുടെയും ഫോണുകളിൽ നിന്ന് അത്തരം സ്വകാര്യ ദൃശ്യങ്ങൾ കണ്ടെത്താൻ അന്വേഷണ സംഘത്തിന് കഴിഞ്ഞിട്ടില്ല. 

അതേസമയം, കേസിലെ ഒന്നാം പ്രതിയായ ഗ്രീഷ്മ കഴിഞ്ഞ ദിവസം കോടതിയെ അറിയിച്ചത് തനിക്ക് 24 വയസ്സ് മാത്രമേയുള്ളൂവെന്നും ശിക്ഷയിൽ ഇളവ് അനുവദിക്കണമെന്നും ആയിരുന്നു.

കഷായത്തിൽ വിഷം കലർത്തി കാമുകനെ കൊന്ന കേസിലെ പ്രതി ഗ്രീഷ്മയ്ക്ക് ജാമ്യം.. #SharonMurderCase

ഷാരോൺ വധക്കേസ് പ്രതി ഗ്രീഷ്മയ്ക്ക് ഹൈക്കോടതി ജാമ്യം അനുവദിച്ചു.  വിചാരണ നീണ്ടുനിൽക്കുന്ന സാഹചര്യത്തിലാണ് ജാമ്യം.  കഴിഞ്ഞ വർഷം ഒക്ടോബറിൽ അറസ്റ്റിലായ ഗ്രീഷ്മ പതിനൊന്ന് മാസമായി ജയിലിൽ കഴിയുകയാണ്.

  കാമുകൻ ഷാരോണിനെ കഷായത്തിൽ കീടനാശിനി കലക്കി കൊലപ്പെടുത്തിയ കേസിൽ കഴിഞ്ഞ ഒക്ടോബറിലാണ് ഗ്രീഷ്മ അറസ്റ്റിലായത്.  തുടർന്ന് പ്രതി കുറ്റം സമ്മതിക്കുകയും നടപടികൾ പൂർത്തിയാക്കി കുറ്റപത്രം സമർപ്പിക്കുകയും ചെയ്തു.  എന്നാൽ വിചാരണ പൂർത്തിയാക്കാനായില്ല.  ഈ സാഹചര്യത്തിലാണ് തനിക്ക് ജാമ്യം അനുവദിക്കണമെന്ന് ആവശ്യപ്പെട്ട് പ്രതി ഗ്രീഷ്മ ഹൈക്കോടതിയെ സമീപിച്ചത്.
ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0