പത്തനംതിട്ട: തിരുവല്ലയിലെ കുറ്റൂർ-മനക്കച്ചിറ റോഡിലെ റെയിൽവേ അണ്ടർപാസിനടുത്തുള്ള ഒരു ചായക്കടയിൽ ഉപേക്ഷിക്കപ്പെട്ട നിലയിൽ ഒരു നവജാത ശിശുവിനെ കണ്ടെത്തി. ഏതാനും ദിവസം മാത്രം പ്രായമുള്ള കുഞ്ഞിനെ ഇന്ന് പുലർച്ചെ 4 മണിയോടെയാണ് കണ്ടെത്തിയത്.
ചായക്കടയിൽ നിന്ന് കുഞ്ഞിന്റെ കരച്ചിൽ കേട്ട് പ്രദേശവാസിയും പൊതുപ്രവർത്തകനുമായ വി.ആർ. രാജേഷ് നടത്തിയ പരിശോധനയിലാണ് കുഞ്ഞിനെ കണ്ടെത്തിയത്.
തുടർന്ന് രാജേഷ് കടയുടമ രാജനെയും തിരുവല്ല പോലീസിനെയും വിവരമറിയിച്ചു. പോലീസ് എത്തി ആംബുലൻസിൽ കുഞ്ഞിനെ തിരുവല്ല താലൂക്ക് ആശുപത്രിയിലേക്ക് മാറ്റി.
കുഞ്ഞിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതർ പറഞ്ഞു. പുലർച്ചെ 1:30 ഓടെ എതിർദിശയിൽ നിന്നുള്ള ഒരു യമഹ ബൈക്ക് ചായക്കടയിൽ എത്തിയതായും കുറച്ച് സമയത്തിന് ശേഷം പോയതായും നാട്ടുകാർ പറഞ്ഞു.
Newborn baby found abandoned in a shed in Thiruvalla.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.