കണ്ണൂർ സ്റ്റേഷനിലെ അത്ഭുതപ്പെടുത്തുന്ന ശുചിത്വത്തെ പ്രശംസിച്ചുകൊണ്ട് അസം സ്വദേശി യുവാവ് പങ്കുവെച്ച വീഡിയോ സോഷ്യൽ മീഡിയയിൽ തരംഗമാകുന്നു. രാജ്യത്തെ തിരക്കേറിയ സ്റ്റേഷനുകളിൽ സാധാരണയായി കണ്ടുവരാറുള്ള മാലിന്യങ്ങളോ അഴുക്കോ ഒരിടത്തും കണ്ടെത്താനാവില്ലെന്നതാണ് യുവാവിനെ അമ്പരപ്പിച്ചത്.
ഇൻസ്റ്റാഗ്രാമിൽ @Rezaulll_13 എന്ന അക്കൗണ്ടിലൂടെ പങ്കുവെച്ച ഈ വീഡിയോ ഇതിനോടകം തന്നെ ലക്ഷക്കണക്കിന് ആളുകളാണ് കണ്ടത്. പകൽസമയത്ത് ചിത്രീകരിച്ച വീഡിയോയിൽ സ്റ്റേഷനിലെ പ്ലാറ്റ്ഫോമുകൾ, ഇരിപ്പിടങ്ങൾ, എസ്കലേറ്ററുകൾ, പൈപ്പ് ട്രാക്കിൻ്റെ വശങ്ങൾ എന്നിവയെല്ലാം അതിശയിപ്പിക്കുന്ന രീതിയിൽ വൃത്തിയായി കിടക്കുന്നത് കാണാം.
"ഒരു തരി മാലിന്യം പോലും ഇവിടെ കണ്ടെത്താനാവില്ല" എന്ന് സാക്ഷ്യപ്പെടുത്തുകയാണ് യുവാവ് ക്യാമറ ഓരോ ഭാഗത്തേക്കും തിരിയുന്നത്. തിരക്കേറിയ സ്റ്റേഷനുകളിൽ പൊതുവേ കാണപ്പെടുന്ന പ്ലാസ്റ്റിക് മാലിന്യങ്ങളോ മറ്റ് അവശിഷ്ടങ്ങളോ ഇല്ലാത്ത കണ്ണൂരിലെ കാഴ്ച രാജ്യത്തുടനീളമുള്ള കാഴ്ചക്കാരുടെ കൈയടി നേടിക്കഴിഞ്ഞു.
സമൂഹമാധ്യമങ്ങളിൽ ഈ വീഡിയോ വൈറലായതോടെ, ശുചിത്വം പാലിക്കുന്ന കാര്യത്തിൽ കേരളം മറ്റ് സംസ്ഥാനങ്ങൾക്ക് മാതൃകയാണെന്ന അഭിപ്രായവുമായി നിരവധി മലയാളികൾ രംഗത്തെത്തിയിട്ടുണ്ട്.
അധികൃതരുടെ കൃത്യമായ പരിപാലനവും യാത്ര ഉയർന്ന പൗരബോധവും ഒരുപോലെ ഒത്തുചേരുമ്പോഴാണ് ഇത്തരം മാറ്റങ്ങൾ സംഭവിക്കുന്നതെന്ന് പലരും കമൻ്റുകളിൽ കുറിച്ചു. രാജ്യത്തെ മറ്റ് സ്റ്റേഷനുകളും അനുകരിക്കേണ്ട മികച്ചൊരു മാതൃകയായി കണ്ണൂർ റെയിൽവേ സ്റ്റേഷൻ മാറിയിരിക്കുകയാണ്.
Kannur railway station's clean look video goes viral
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.