• ബിഹാറിൽ കെട്ടുകണക്കിന് വിവിപാറ്റ് സ്ലിപ്പുകൾ വഴിയരികിൽ
ഉപേക്ഷിക്കപ്പെട്ട നിലയിൽ കണ്ടെത്തി. സമസ്തിപ്പുർ ജില്ലയിലെ സരായ്രഞ്ജൻ
മണ്ഡലത്തിലാണ് വിവിപാറ്റ് സ്ലിപ്പുകൾ വഴിയരികിൽ കണ്ടെത്തിയത്. ആർജെഡി
പ്രവർത്തകരാണ് സംഭവം പുറത്തുവിട്ടത്.
• തിരക്ക് ഒഴിവാക്കാൻ ശബരിമല
തീർഥാടനത്തിന് വെർച്വൽ ക്യൂ ബുക്കിങ് നിർബന്ധമാക്കുമെന്ന് പൊലീസ്.
അനുവദിച്ചിട്ടുള്ള സമയ സ്ലോട്ട് കർശനമായി പാലിക്കണം. സ്പോട്ട് ബുക്കിങ്ങുകൾ
വളരെ പരിമിതമായതിനാൽ മുൻകൂർ ബുക്കിങ് ഇല്ലാതെ എത്തുന്നവരെ
ഉൾക്കൊള്ളാനാകില്ല എന്നും പോലീസ്.
• നബാർഡിന്റെ ഗ്രാമീണ അടിസ്ഥാനസൗകര്യ വികസന ഫണ്ടി (ആർഐഡിഎഫ്)ലൂടെ
കേരളത്തിന് 1441.25 കോടി രൂപയുടെ പദ്ധതികൾക്ക് ചീഫ് സെക്രട്ടറി
അധ്യക്ഷനായ ഉന്നതാധികാര സമിതിയുടെ അംഗീകാരം.
• ധനബില്ലിന് അംഗീകാരം കിട്ടാതായതോടെ അമേരിക്കയിലെ സര്ക്കാര് സംവിധാനങ്ങളുടെ അടച്ചിടല് 38 ദിവസം കടന്നു. ആഭ്യന്തര വിമാനസർവീസുകൾ പൂർണമായും അവതാളത്തിലായി. ആയിരത്തോളം വിമാനസർവീസുകളാണ് റദ്ദാക്കിയത്.
• ഓസ്ട്രേലിയയ്ക്കെതിരായ ടി20 ക്രിക്കറ്റ് പരമ്പര നേടി ഇന്ത്യ.
അഞ്ചാമത്തെയും അവസാനത്തെയും മത്സരം മഴയും ഇടിയെയും തുടര്ന്ന്
ഉപേക്ഷിച്ചു. ഇതോടെ 2–1ന് പരമ്പര ഇന്ത്യ സ്വന്തമാക്കുകയായിരുന്നു. ആദ്യ
മത്സരം മഴയെത്തുടര്ന്ന് ഉപേക്ഷിച്ചിരുന്നു.
• ജമ്മു കശ്മീരിലെ കുപ്വാരയിൽ ഉണ്ടായ ഏറ്റുമുട്ടലിൽ രണ്ട് ഭീകരരെ വധിച്ചു
സൈന്യം. കേരന് സെക്ടറില് നുഴഞ്ഞുകയറാന് ശ്രമിച്ച ഭീകരരാണ്
കൊല്ലപ്പെട്ടത്. നിയന്ത്രണ രേഖയിൽ സംശയാസ്പദമായ നീക്കങ്ങൾ
ശ്രദ്ധയിൽപ്പെട്ടതോടെ നടത്തിയ തിരച്ചിലിലാണ് സൈനികർ നുഴഞ്ഞുകയറ്റക്കാരെ
കണ്ടെത്തിയത്.
• രഞ്ജി ട്രോഫി ക്രിക്കറ്റിൽ സൗരാഷ്ട്രയ്ക്കെതിരെ കേരളം ശക്തമായ നിലയിൽ.
സൗരാഷ്ട്രയുടെ ആദ്യ ഇന്നിങ്സ് 160 റൺസിന് അവസാനിച്ചു. ആറ് വിക്കറ്റ്
വീഴ്ത്തിയ എം ഡി നിധീഷിന്റെ ബൗളിങ് മികവാണ് സൗരാഷ്ട്രയുടെ ബാറ്റിങ് നിരയെ
തകർത്തത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.