കാസർകോട്: ദേശീയപാത പ്രവൃത്തി നടക്കുന്ന പിലിക്കോട് ഗവ. ഹയർസെക്കൻഡറി സ്കൂളിന് സമീപത്തുള്ള റോഡിൽ ഗർത്തം. ബുധനാഴ്ച രാവിലെയാണ് ഗർത്തം രൂപപ്പെട്ടത്. നാലടിയോളം ആഴമുണ്ട്. പിലിക്കോട് ഗവ. ഹയർസെക്കൻഡറി സ്കൂളിലെ വിദ്യാർഥികൾ കടന്നുപോകുന്ന വഴിയാണ്.
ഗർത്തം രൂപപ്പെട്ടത് നാട്ടുകാരുടെ ശ്രദ്ധയിൽ പെട്ടതിനാൽ വലിയൊരു അപകടം ഒഴിവായി. അധ്യാപകരെത്തി അപകട മുന്നറിയിപ്പ് നൽകി. തുടർന്ന് കരാർ കമ്പനിയുടെ എൻജിനിയർമാരും തൊഴിലാളികളുമെത്തി ഗർത്തത്തിൽ മണ്ണിട്ട് ഉറപ്പിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.