• കേരളത്തിന്‍റെ സ്വപ്നം യാഥാർത്ഥ്യമായി. ഇന്ത്യയിലെ ഏക മദർപോർട്ടായ വിഴിഞ്ഞം അന്താരാഷ്ട്ര തുറമുഖം രാജ്യത്തിന് സമർപ്പിച്ചു.
• വിഴിഞ്ഞം ആഴക്കടൽ തുറമുഖം പുതുതലമുറ വികസനത്തിന്റെ പ്രതീകമാണെന്ന് പ്രധാനമന്ത്രി നരേന്ദ്ര മോഡി.
• ഭീകരാക്രമണത്തിനുള്ള തിരിച്ചടി വിപുലമായ ഒരു ഏറ്റുമുട്ടലിലേക്ക്‌
നീങ്ങാതിരിക്കാൻ ഇന്ത്യക്കുമേൽ അന്താരാഷ്ട്രസമർദം ശക്തമായി.
അതിർത്തിയിലെയും നിയന്ത്രണരേഖയിലെയും സംഘർഷസ്ഥിതിയിൽ അയവുവരുത്താൻ
അമേരിക്കയും ബ്രിട്ടനും ഇന്ത്യയോട്‌ അഭ്യർഥിച്ചു.
• ഐപിഎൽ ക്രിക്കറ്റിൽ ഗുജറാത്ത്‌ ടൈറ്റൻസ് സൺറൈസേഴ്‌സ്‌ ഹൈദരാബാദിനെ 38 റണ്ണിന്‌ കീഴടക്കി. സ്‌കോർ: ഗുജറാത്ത്‌ 224/6, ഹൈദരാബാദ്‌ 186/6
• സിന്ധു നദീജല കരാര്‍ റദ്ദാക്കിയതിനെതിരെ ഇന്ത്യയ്ക്ക് ഔദ്യോഗിക നോട്ടീസ്
നല്‍കാനൊരുങ്ങി പാകിസ്ഥാൻ. വിദേശകാര്യ, നിയമ, ജലവിഭവ മന്ത്രാലയങ്ങൾ
ചേര്‍ന്ന് നടത്തിയ ചര്‍ച്ചയ്ക്ക് ശേഷമാണ് നടപടി.
• ഉഷ്ണതരംഗ സാധ്യത കണക്കിലെടുത്ത് 11 സംസ്ഥാനങ്ങള്‍ക്ക് ജാഗ്രത മുന്നറിയിപ്പ് നല്‍കി ദേശീയ മനുഷ്യാവകാശ കമ്മിഷന്‍.
• ലോകത്ത് പത്രസ്വാതന്ത്ര്യമില്ലാത്ത രാജ്യങ്ങളുടെ കൂട്ടത്തില്‍ ഇന്ത്യയും.
ഈവര്‍ഷത്തെ ലോക പത്രസ്വാതന്ത്ര്യ സൂചികയില്‍ ഇന്ത്യ 151-ാമതാണെന്നും
2014ല്‍ നരേന്ദ്ര മോഡി അധികാരത്തിലെത്തിയ ശേഷം രാജ്യത്ത് അപ്രഖ്യാപിത
അടിയന്തരാവസ്ഥ നിലവിലുണ്ടെന്നും റിപ്പോര്‍ട്ടേഴ്സ് വീത്തൗട്ട് ബോര്‍ഡേഴ്സ്
എന്ന സന്നദ്ധ സംഘടന.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.