• മഹാത്മാഗാന്ധി ശിവഗിരിയിലെത്തി ശ്രീനാരായണ ഗുരുദേവനെ സന്ദർശിച്ചിട്ട് ഇന്ന് 100 വർഷം തികയുന്നു. മഹാത്മാക്കളുടെ സമാഗമശതാബ്ദി ശിവഗിരിയിൽ
വിപുലമായി ആഘോഷിക്കും.
• കേരളത്തിന്റെ പ്രശ്നങ്ങൾ അറിയാമെന്നും ആവശ്യങ്ങൾ കേന്ദ്രത്തിന് മുന്നിൽ
അവതരിപ്പിക്കാൻ മുഖ്യമന്ത്രിക്കൊപ്പം ഉണ്ടാകുമെന്നും ഗവർണർ രാജേന്ദ്ര
വിശ്വനാഥ് ആർലേക്കർ.
• ലോകത്തിലെ ഏറ്റവും മലിനമായ 20 നഗരങ്ങളിൽ പതിമൂന്നും ഇന്ത്യയിലാണെന്ന് പുതിയ
പഠനം. സ്വിസ് എയർ ക്വാളിറ്റി ടെക്‌നോളജി കമ്പനിയായ ഐക്യു എയറിന്റെ 2024-ലെ
ലോക വായു ഗുണനിലവാര റിപ്പോർട്ടിലാണ് ഈ പുതിയ കണ്ടെത്തൽ.
• പാകിസ്ഥാനിൽ ഭീകരർ ട്രെയിൻ തട്ടിയെടുത്തു. ബലൂച് ലിബറേഷൻ ആർമി
പ്രവർത്തകരാണ് ട്രെയിൻ തട്ടിയെടുത്തത്. ട്രെയിൻ യാത്രക്കാരായ അഞ്ഞൂറോളം
പേരെ ഇവർ ബന്ദികളാക്കിയതായാണ് വിവരം.
• മുണ്ടക്കൈ ഉരുൾപൊട്ടൽ ദുരന്തബാധിതർക്കുള്ള ടൗൺഷിപ്പിന്‌ 27ന്‌ തറക്കല്ലിടുമെന്ന്‌ റവന്യു മന്ത്രി കെ രാജൻ.
• പാതിവില തട്ടിപ്പ്‌ കേസിൽ കോടതി
ജാമ്യാപേക്ഷ തള്ളിയതിനെ തുടർന്ന്‌ അറസ്‌റ്റിലായ നാഷണൽ എൻജിഒ കോൺഫെഡറേഷൻ
ചെയർമാനും സായിഗ്രാമം ട്രസ്‌റ്റ്‌ എക്‌സിക്യൂട്ടീവ്‌ ഡയറക്ടറുമായ കെ എൻ
ആനന്ദകുമാറിന്റെ അക്കൗണ്ടിൽ 1,69,24,000 രൂപ എത്തിയതായി ക്രൈംബ്രാഞ്ച്‌.
• തൊഴിലാളികൾക്ക് ഏഴാം തീയതിക്ക് മുൻപേ ശമ്പളം നൽകണം എന്നത് ഉൾപ്പടെ കുവൈത്തിലെ തൊഴിൽ മേഖലയിൽ നിർണായക മാറ്റങ്ങൾ വരുത്തുന്ന നിയമങ്ങൾ
നടപ്പിലാക്കുമെന്ന് പബ്ലിക് അതോറിറ്റി ഫോർ മാൻപവർ അറിയിച്ചു.
• തായ്‌ലൻഡ്‌, മ്യാൻമർ, ലാവോസ്, കംബോഡിയ
അതിർത്തിയിലെ കുപ്രസിദ്ധമായ ഗോൾഡൻ ട്രയാംഗിൾ പ്രദേശത്ത്
തൊഴിൽതട്ടിപ്പിനും മനുഷ്യക്കടത്തിനും ഇരയായി കുടുങ്ങിയ എട്ട് മലയാളികൾ
ഉൾപ്പെടെ 283 ഇന്ത്യൻ പൗരന്മാരെ തിരിച്ചെത്തിച്ചു.
• പ്രസിഡന്റ് ഡൊണാള്‍ഡ് ട്രംപ് ആരംഭിച്ച വ്യാപാരയുദ്ധം സാമ്പത്തികരംഗത്ത്
യുഎസിനെ തിരിച്ചടിക്കുന്നു. താരിഫ് യുദ്ധത്തിനൊപ്പം ഈ വര്‍ഷം സാമ്പത്തിക
പ്രതിസന്ധി ഉണ്ടായേക്കാമെന്ന ട്രംപിന്റെ നിലപാടും യുഎസ് ഓഹരി വിപണിയെ വന്‍
തകര്‍ച്ചയിലേക്ക് നയിക്കുന്നതായി റിപ്പോർട്ട്.
• മദ്യനയ അഴിമതി കേസില്‍ ജാമ്യത്തില്‍ കഴിയുന്ന ഡല്‍ഹി മുന്‍ മുഖ്യമന്ത്രി
അരവിന്ദ് കെജ്‌രിവാളിനെതിരെ വീണ്ടും കേസ്. വലിയ ഹോര്‍ഡിങുകള്‍ സ്ഥാപിച്ച്
പൊതുഫണ്ട് ദുര്‍വിനിയോഗം ചെയ്തെന്നാരോപിച്ച് ബിജെപി സമര്‍പ്പിച്ച
ഹര്‍ജിയിലാണ് പുതിയ നിയമനടപടി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.