• കേരളത്തില്‍ തൊഴില്‍മേഖലയില്‍ സ്ത്രീപങ്കാളിത്തം വര്‍ധിച്ചതായി കേന്ദ്ര പഠന
റിപ്പോര്‍ട്ട്. 2023- 24 സാമ്പത്തിക വര്‍ഷം 36.4 ശതമാനമായാണ് സ്ത്രീ
പങ്കാളിത്തം ഉയര്‍ന്നത്.
• മലപ്പുറം താനൂരിൽ നിന്ന് കാണാതായ പെൺകുട്ടികളുമായി പൊലീസ് സംഘം തിരൂർ
റെയിൽവേ സ്റ്റേഷനിലെത്തിച്ചു. ഗരിബ് രഥ് എക്സ്പ്രസിൽ 12 മണിക്ക് തിരൂർ
റെയിൽവേ സ്റ്റേഷനിലാണ് എത്തിച്ചത്.
• കോഴിക്കോട് താമരശ്ശേരിയിൽ എംഡിഎം എ അടങ്ങിയ കവർ വിഴുങ്ങിയ യുവാവ് മരിച്ചു.
മൈക്കാവ് സ്വദേശി ഷാനിദ് ആണ് മരിച്ചത്. പൊലിസിനെ കണ്ടയുടൻ
കയ്യിലുണ്ടയിരുന്നു പാക്കറ്റ് വിഴുങ്ങുകയായിരുന്നു.
• കർണാടക ഹംപിയിൽ വിദേശ വനിതയെയും ഹോംസ്റ്റേ ഉടമയെയും കൂട്ടബലാത്സംഗം ചെയ്ത സംഭവത്തിൽ രണ്ട് പേർ പിടിയിൽ.
• തിരുവല്ലയില്‍ പത്തുവയസുകാരനായ മകനെ ഉപയോഗിച്ച് എംഡിഎംഎ കച്ചവടം
നടത്തുന്നയാള്‍ പിടിയില്‍. ചുമത്ര സ്വദേശി മുഹമ്മദ് ഷമീറിനെയാണ് തിരുവല്ല
പൊലീസ് പിടികൂടിയത്.
• ഏഴരലക്ഷം കർഷക രജിസ്ട്രേഷനുമായി കൃഷി വകുപ്പിന്റെ ‘കതിർ ആപ്പ്’
മുന്നേറുന്നു. കർഷകരുടെയും കാർഷിക മേഖലയുടെയും സമഗ്ര ഉന്നമനം ലക്ഷ്യം വച്ച്
പുറത്തിറക്കിയ കതിർ ആപ്പ് ഇതിനോടകം തന്നെ കർഷകരുടെ ഇടയിൽ വലിയ പ്രചാരം
നേടിക്കഴിഞ്ഞു.
• തൃശൂര്‍ പൂരം നടത്തിയതില്‍ പൊലീസ് ഇതര വകുപ്പുകള്‍ക്ക് വീഴ്ചയില്ലെന്ന്
അന്വേഷണ റിപ്പോര്‍ട്ട്. എഡിജിപി മനോജ് ഏബ്രഹാമാണ് അന്വേഷണ റിപ്പോര്‍ട്ട്
സമര്‍പ്പിച്ചത്.
• മണിപ്പൂരില്‍ ഒരിടവേളയ്ക്ക് ശേഷം വീണ്ടും സംഘര്‍ഷം കത്തുന്നു. ഇംഫാല്‍ —
ദിമാപൂര്‍ ഹൈവേയില്‍ കുക്കി സമുദായാംഗങ്ങള്‍ സുരക്ഷാ സേനയുമായി
ഏറ്റുമുട്ടി. സംഘര്‍ഷത്തില്‍ ഒരാള്‍ കൊല്ലപ്പെട്ടു. 27 സുരക്ഷാ
ഉദ്യോഗസ്ഥര്‍ക്ക് പരിക്കേറ്റു.
• ഒരേ നമ്പർ ഉള്ള വോട്ടർ ഐഡി കാർഡ് പല വോട്ടർമാർക്കും നൽകിയെന്ന ആരോപണത്തില്‍
കുറ്റസമ്മതവുമായി തെരഞ്ഞെടുപ്പ് കമ്മിഷന്‍. പ്രശ്‌നത്തിന് മൂന്ന്
മാസത്തിനകം പരിഹാരം കാണുമെന്നും തെരഞ്ഞെടുപ്പ് കമ്മിഷൻ
വാര്‍ത്താക്കുറിപ്പില്‍ അറിയിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.