• നിയമസഭ സമ്മേളനം ഇന്ന് പുനരാരംഭിക്കും. ബജറ്റിന്മേലുള്ള ധനാഭ്യർത്ഥന
ചർച്ചയും വോട്ടെടുപ്പും നടക്കും. ആറ്റുകാൽ പൊങ്കാല പ്രമാണിച്ച് 13, 14
തീയതികളിൽ സഭ ചേരില്ല.
• ഐ സി സി ചാമ്പ്യന്‍സ് ട്രോഫി ചാമ്പ്യൻമാരായി രോഹിത് ശര്‍മയും സംഘവും.
ദുബൈയില്‍ നടന്ന ഫൈനലില്‍ നാല് വിക്കറ്റിനാണ് ഇന്ത്യയുടെ ജയം.
• കേരളത്തില്‍ വീണ്ടും മഴ കനക്കുമെന്ന് കേന്ദ്ര കാലാവസ്ഥ വകുപ്പിന്റെ
മുന്നറിയിപ്പ്. ചൊവ്വ, ബുധന്‍ ദിവസങ്ങളില്‍ ശക്തമായ മഴയ്ക്ക് സാധ്യതയെന്ന്
അറിയിച്ചു.
• ജസ്റ്റിന്‍ ട്രൂഡോയ്ക്ക് പകരക്കാരനായി മാര്‍ക്ക് കാര്‍ണി കാനഡയുടെ
പ്രധാനമന്ത്രിയാകും. ഒക്ടോബര്‍ 20 ന് പൊതു തെരഞ്ഞെടുപ്പ് നടക്കുന്നത്
വരെയാണ് കാലാവധി.
• സൗദി എയർലൈൻസിനുപിന്നാലെ ഗൾഫ് എയറും
കരിപ്പൂരിലേക്കുള്ള സർവീസ് നിർത്തുന്നു. ഏപ്രിൽ ഒന്ന‍ിന്‌ ബഹറൈൻ വിമാന
കമ്പനി ഗൾഫ് എയർ കരിപ്പൂരിൽനിന്ന് പിൻവാങ്ങും.
• വിദേശത്താണെങ്കിലും സ്വന്തം വാർഡിലെ
ഗ്രാമസഭയിൽ പങ്കെടുക്കാം, അഭിപ്രായങ്ങളും നിർദേശങ്ങളും അവതരിപ്പിക്കാം. ഇ-
ഗവേണൻസിൽ സമാനതകളില്ലാത്ത മുന്നേറ്റത്തിന് തുടക്കമിട്ട കെ സ്‌മാർട്ട്‌
ഗ്രാമപഞ്ചായത്തുകളിലേക്കും വ്യാപിപ്പിക്കുന്നതോടെയാണ്‌ ഇതിന്‌ അവസരം
ഒരുങ്ങുക.
• സ്കൂളുകളിൽ അടുത്ത അധ്യയനവർഷം വിതരണം ചെയ്യാനുള്ള പാഠപുസ്‌തകങ്ങൾ
ജില്ലാ ഡിപ്പോയിലേക്ക്‌ എത്തിത്തുടങ്ങി. ഈ അധ്യയനവർഷം മാറിയ
പുസ്‌തകങ്ങളെല്ലാം അച്ചടി പൂർത്തിയാക്കി.
• മഞ്ചേശ്വരം ബന്തിയോട് നിന്നുംകാണാതായ പത്താം ക്ലാസ്
വിദ്യാര്‍ത്ഥിനിയേയും, അയല്‍വാസിയായ 42കാരനെയും തൂങ്ങിമരിച്ച നിലയില്‍
കണ്ടെത്തി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.