• പത്തനംതിട്ടയിൽ 64 പേർ 18കാരിയെ പീഡിപ്പിച്ചതായി വെളിപ്പെടുത്തൽ. കഴിഞ്ഞ
മൂന്ന് വർഷത്തിനിടയാണ് പീഡനം നടന്നത്. സംഭവത്തിൽ പൊലീസ് രണ്ട് കേസ്
രജിസ്റ്റർ ചെയ്തു. നിലവിൽ അഞ്ചുപേർ പിടിയിലായിട്ടുണ്ട്.
• നിയുക്ത യുഎസ് പ്രസിഡന്റ് ഡൊണാള്ഡ് ട്രംപ് കൈക്കൂലി കേസിൽ
കുറ്റക്കാരനാണെന്ന് കോടതി വിധിച്ചു. അതേസമയം, ശിക്ഷ അനുഭവിക്കുന്നതിൽ
നിന്ന് ഒഴിവാക്കി. പ്രസിഡൻ്റായി അധികാരമേൽക്കാൻ വെറും 10 ദിവസം
ശേഷിക്കെയാണ് കോടതിവിധി.
• വ്യാഴാഴ്ച രാത്രി അന്തരിച്ച ഗായകൻ പി ജയചന്ദ്രന് മലയാളക്കര
ശനിയാഴ്ച വിട നൽകും. രാവിലെ എട്ടിന് ജന്മനാടായ ചേന്ദമംഗലത്തേക്ക്
കൊണ്ടുപോകും. രാവിലെ 8.30ന് ഇരിങ്ങാലക്കുട നാഷണൽ ഹയർസെക്കൻഡറി സ്കൂളിൽ
പൊതുദർശനത്തിനുവയ്ക്കും. പകൽ 3.30ന് പാലിയത്തെ തറവാട്ടുവളപ്പിൽ
സംസ്കരിക്കും.
• തിരുവനന്തപുരം സര്ക്കാര് മെഡിക്കല് കോളേജിന്റെ എമര്ജന്സി മെഡിസിന്
വിഭാഗത്തെ ട്രോമ കെയറിന്റേയും ബേണ്സ് ചികിത്സയുടേയും സെന്റര് ഓഫ്
എക്സലന്സായി പ്രഖ്യാപിച്ചു കൊണ്ടുള്ള ഔദ്യോഗിക അറിയിപ്പ് മെഡിക്കല്
വിദ്യാഭ്യാസ വകുപ്പിന് ലഭിച്ചു.
• ലോജിസ്റ്റിക് മേഖലയില് വന് കുതിപ്പിന് തയ്യാറെടുത്ത് കൊച്ചി.
അദാനി ഗ്രൂപ്പ്, ഫ്ലിപ്കാര്ട്ട്, കലിഫോര്ണിയ ആസ്ഥാനമായുള്ള ലോകത്തെ
മുന്നിര ലോജിസ്റ്റിക് കമ്പനി പനാറ്റോണി, ബംഗളൂരു ആസ്ഥാനമായ അവിഗ്ന
തുടങ്ങിയ വമ്പന്മാരാണ് കൊച്ചിയില് ലോജിസ്റ്റിക് പാര്ക്ക് ഒരുക്കുന്നത്.
• വധശിക്ഷയ്ക്ക് വിധിക്കപ്പെട്ട് യമൻ ജയിലിൽ കഴിയുന്ന മലയാളി
നഴ്സ് നിമിഷപ്രിയക്കുവേണ്ടി ഇടപെടാമെന്ന വാഗ്ദാനം പാലിച്ച് ഇറാൻ.
കൊല്ലപ്പെട്ട യമൻ പൗരൻ തലാൽ അബ്ദുൾ മഹ്ദിയുടെ കുടുംബത്തെ യമനിലെ ഇറാൻ
എംബസിയിൽ നിന്നുള്ള ഉദ്യോഗസ്ഥർ ബന്ധപ്പെട്ടെന്ന് റിപ്പോർട്ട്.
• ലോകത്തിന്റെ വിനോദചലച്ചിത്രകേന്ദ്രമായ ഹോളിവുഡിനെ അടക്കം
ഭീതിയിലാക്കി ലൊസ് ആഞ്ചലസില് പടരുന്ന കാട്ടുതീയില് ചാരമായത്
പതിനായിരത്തിലധികം വീടുകള്. 35,000ലധികം ഏക്കർ പൂര്ണമായി കത്തിയമര്ന്നു.
പത്തു മരണമാണ് സ്ഥിരീകരിച്ചതെങ്കിലും ആള്നാശം ഉയര്ന്നേക്കാം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.