വ്യവസായി ബോബി ചെമ്മണൂരിനെതിരായ ലൈംഗിക പീഡന കേസിൽ നടി ഹണി റോസിന്റെ മൊഴി വീണ്ടും രേഖപ്പെടുത്തും. ബോബി ചെമ്മണൂർ തന്നെ പിന്തുടർന്ന് ഉപദ്രവിച്ചു എന്ന പരാതിയിലാണ് നടപടി. ഇതിനുള്ള വകുപ്പ് ചുമത്തുന്ന കാര്യം സെൻട്രൽ പോലീസും പരിഗണിക്കുന്നുണ്ട്.
അതേസമയം, നടി ഹണി റോസിനെതിരെ ലൈംഗിക പീഡന പരാമർശം നടത്തിയതിന് റിമാൻഡ് ചെയ്യപ്പെട്ട വ്യവസായി ബോബി ചെമ്മണൂർ ചൊവ്വാഴ്ച വരെ ജയിലിൽ തുടരും. ജാമ്യാപേക്ഷ അടിയന്തരമായി പരിഗണിക്കണമെന്ന ബോബിയുടെ ആവശ്യം ഹൈക്കോടതി തള്ളിയതിനെ തുടർന്നാണ് അദ്ദേഹത്തിന്റെ ജയിൽ ശിക്ഷ നീട്ടുന്നത്. ഇടക്കാല ജാമ്യം ലഭിക്കാൻ ബോബി ചെമ്മണൂരിന്റെ അഭിഭാഷകർ ശ്രമിച്ചെങ്കിലും, എല്ലാ പൗരന്മാർക്കും ഉള്ള അവകാശങ്ങൾ മാത്രമേ ബോബിക്കുള്ളൂവെന്നും അദ്ദേഹത്തിന്റെ ജാമ്യാപേക്ഷ ഉടൻ പരിഗണിക്കേണ്ടതില്ലെന്നുമുള്ള നിലപാടാണ് ഹൈക്കോടതി സ്വീകരിച്ചത്.
പൊതുസ്ഥലത്ത് സംസാരിക്കുമ്പോൾ ജാഗ്രത പാലിക്കണമെന്നും ഹൈക്കോടതി ബോബി ചെമ്മണൂരിനെ ഉപദേശിച്ചു. സമാനമായ പരാമർശങ്ങൾ ഇനി ആവർത്തിക്കില്ലെന്ന് ബോബി ചെമ്മണൂർ ഉറപ്പുനൽകിയെങ്കിലും, സർക്കാരിന് മറുപടി നൽകാൻ സമയം നൽകിയ കോടതി, ഹർജി പരിഗണിക്കുന്നത് ചൊവ്വാഴ്ചത്തേക്ക് മാറ്റി.
ഹണി റോസ് അശ്ലീല പരാമർശം നടത്തിയപ്പോൾ വേദിയിലുണ്ടായിരുന്നവരുടെ മൊഴികളും രേഖപ്പെടുത്തും. ഇൻസ്റ്റാഗ്രാം പോസ്റ്റിന് കീഴിൽ മോശം കമന്റുകൾ ഇട്ടവർക്കെതിരെ നൽകിയ പരാതിയിലും അന്വേഷണം പുരോഗമിക്കുകയാണ്. ഫേസ്ബുക്കിൽ നിന്ന് വിശദാംശങ്ങൾ തേടിയിട്ടുണ്ട്. വിവരങ്ങൾ ലഭിക്കുന്ന മുറയ്ക്ക് കൂടുതൽ അറസ്റ്റ് ഉണ്ടാകും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.