• നെയ്യാറ്റിൻകരയിലെ ഗോപൻ്റെ മരണകാരണം വ്യക്തമായിട്ടില്ലെന്ന് അന്വേഷണ
ഉദ്യോഗസ്ഥൻ.
• ചരിത്ര നേട്ടവുമായി ഐഎസ്ആര്‍ഒ. രാജ്യത്തിന്റെ ആദ്യ സ്‌പേസ് ഡോക്കിംഗ്
പരീക്ഷണമായ സ്‌പേഡെക്‌സ് വിജയമായി. വിക്ഷേപണത്തിന് ശേഷമുള്ള മൂന്നാം
പരിശ്രമത്തിലാണ് ഉപഗ്രഹങ്ങള്‍ ബഹിരാകാശത്ത് കൂട്ടിച്ചേര്‍ക്കാന്‍ കഴിഞ്ഞത്.
• ഉയര്‍ന്ന നഷ്ടപരിഹാര തുക ദുരന്തബാധിതരുടെ അവകാശമല്ലെന്ന് ഹൈക്കോടതി.
മുണ്ടക്കൈ, ചൂരല്‍മല ദുരന്തബാധിതര്‍ക്ക് ഉയര്‍ന്ന നഷ്ടപരിഹാരം നല്‍കണമെന്ന്
സര്‍ക്കാരിനോട് നിര്‍ദ്ദേശിക്കാനാവില്ലന്നും കോടതി.
• കേരള കലാമണ്ഡലത്തിലെ ആദ്യ പുരുഷ നൃത്ത അധ്യാപകനായി ആര്‍ എല്‍ വി
രാമകൃഷ്ണന്‍ ജോലിയില്‍ പ്രവേശിച്ചു. ഭരതനാട്യത്തില്‍ അസിസ്റ്റന്റ്
പ്രൊഫസറായാണ് നിയമനം.
• കണ്ണൂരും കൊല്ലത്തും പുതിയ ഐ ടി പാർക്കുകൾ സ്ഥാപിക്കുമെന്ന് മുഖ്യമന്ത്രി. ഐ
ടി മേഖലയിൽ വലിയ മാറ്റങ്ങൾ വരുന്നുവെന്നും ഈസ് ഓഫ് ഡൂയിംഗിൽ ഒന്നാമതായത്
വലിയ ആത്മ വിശ്വാസം നൽകുന്നുവെന്നും മുഖ്യമന്ത്രി.
• കലോത്സവത്തിലെ ദ്വയാര്‍ത്ഥ പ്രയോഗത്തില്‍ റിപ്പോര്‍ട്ടര്‍ ചാനലിനെതിരെ
പോക്‌സോ കേസെടുത്തു. കേസില്‍ റിപ്പോര്‍ട്ടര്‍ ചാനല്‍ കണ്‍സള്‍ട്ടിംഗ്
എഡിറ്റര്‍ അരുണ്‍കുമാര്‍ ഒന്നാം പ്രതിയാണ്.
• വ്യാവസായികാനുബന്ധ പ്രവർത്തനങ്ങൾക്കായി സംസ്ഥാന സർക്കാരിനുവേണ്ടി
കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപറേഷൻ (കിൻഫ്ര)
കാക്കനാട്ട്‌ നിർമിക്കുന്ന അന്താരാഷ്ട്ര കൺവൻഷൻ സെന്ററിന്റെ നിർമാണം
പൂർത്തിയായി.
• ഭാരതപ്പുഴയുടെ പൈങ്കുളം ശ്‌മശാനം കടവിൽ നാല്‌ പേർ മുങ്ങി മരിച്ചു.
വ്യാഴാഴ്ച വൈകിട്ട് 5.30ഓടെയാണ് അപകടം. പുഴ കാണാനെത്തിയ സംഘമാണ്‌
അപകടത്തിൽ പെട്ടത്‌.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.