• ഉത്തരാഖണ്ഡ് ഋഷികേശില് ഗംഗാനദിയില് കാണാതായ മലയാളി യുവാവിന്റെ മൃതദേഹം
കണ്ടെത്തി. ഇക്കഴിഞ്ഞ നവംബര് 29 നാണ് പത്തനംതിട്ട കോന്നി സ്വദേശി ആകാശ്
മോഹനെ ഗംഗാനദിയില് വീണ് കാണാതായത്.
• സോളാർ പാനൽ സ്ഥാപിച്ച്
വൈദ്യുതി കണ്ടെത്താൻ കെഎസ്ആർടിസി. 43 ഡിപ്പോയിൽ പാനൽ സ്ഥാപിക്കും. എംഎൽഎ
ഫണ്ടും മറ്റ് ഫണ്ടുകളും ഇതിനായി തേടും. തിരുവനന്തപുരം ആനയറയിലെ
സ്വിഫ്റ്റ് ആസ്ഥാനത്ത് പദ്ധതി വിജയകരമായി നടപ്പാക്കിയിട്ടുണ്ട്.
• താലൂക്ക് തലത്തിൽ
പൊതുജനങ്ങളുടെ പരാതികൾ പരിഹരിക്കുന്നതിനായി മന്ത്രിമാരുടെ നേതൃത്വത്തിൽ
നടത്തുന്ന താലൂക്ക് അദാലത്ത് ഡിസംബർ 9 തിങ്കളാഴ്ച്ച ആരംഭിക്കും.
• പാറശാല ഷാരോണ്
വധക്കേസിൽ വെളിപ്പെടുത്തലുമായി ഷാരോണിന്റെ പിതാവ് ജയരാജ്. തിരുവനന്തപുരം
മെഡിക്കല് കോളേജ് ആശുപത്രി ഐസിയുവില് വെച്ച് മകൻ മരണമൊഴി നൽകിയതായി
ഷാരോണിന്റെ പിതാവ് കോടതിയില് മൊഴിനല്കി.
• ആർച്ച് ബിഷപ് മാർ
ജോർജ് ജേക്കബ് കൂവക്കാടിനെ ഫ്രാൻസിസ് മാർപാപ്പ കർദിനാളായി അവരോധിച്ചു.
ഇന്ത്യൻ സമയം രാത്രി 8.30ന് വത്തിക്കാനിലെ സെന്റ് പീറ്റേഴ്സ്
ബസിലിക്കയിൽ നടന്ന ചടങ്ങിലാണ് സ്ഥാനാരോഹണം.
• ഒന്നാംവിളയ്ക്ക്
സംഭരിച്ച നെല്ലിന്റെ തുക തിങ്കളാഴ്ച മുതൽ കർഷകരുടെ അക്കൗണ്ടിലെത്തും.
ശനിയാഴ്ച തന്നെ സപ്ലൈകോ ബാങ്കുകൾക്ക് തുക കൈമാറുമെന്ന് മന്ത്രി ജി ആർ
അനിൽ അറിയിച്ചു.
• സൗദി ജയിലില് കഴിയുന്ന അബ്ദുല്റഹീമിന്റെ കേസ് ഇന്ന് കോടതി പരിഗണിക്കും.
ജയില് മോചനത്തിനുള്ള ഉത്തരവ് ഇന്ന് ഉണ്ടാകുമെന്നാണ് പ്രതീക്ഷിക്കുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.