ഒരു പേപ്പര് മില്ലായി ആരംഭിച്ച കമ്പനിയായിരുന്നു നോക്കിയ. പിന്നീടത് റബര് ബിസിനസ്സിലേക്കും കേബിള് ബിസിനസ്സിലേക്കും ഇലക്ട്രോണിക് ആന്റ് ടെലികമ്മ്യൂണിക്കേഷന് ബിസിനസ്സിലേക്കും സാധ്യതകള് വിപുലപ്പെടുത്തി. ഇലക്ട്രോണിക്സ് ബിസിനസ്സിലേക്ക് എത്തിയതോടെയാണ് നോക്കിയ കമ്പനിയുടെ വളര്ച്ച സ്വപ്നതുല്യമായ നിലയിലേക്കെത്തിയത്. കണ്ണടച്ചു തുറക്കുന്ന വേഗത്തില് നോക്കിയ ഫിന്ലന്ഡിന് പുറത്തേക്ക് വ്യാപിച്ചു. ലോകത്തെങ്ങുമുള്ള ഉപഭോക്താക്കള് ഇരുകൈയും നീട്ടി സ്വീകരിച്ചതോടെ നോക്കിയ ഒരു ഇന്റര്നാഷണല് ബ്രാന്ഡ് ആയി വളരുകയായിരുന്നു. രണ്ട് ലോകമഹായുദ്ധങ്ങളെ അതിജീവിച്ച നോക്കിയ കമ്പനി 150 വര്ഷത്തിലേറെയായി മാര്ക്കറ്റിലുണ്ട്. 2000-ല് മാതൃരാജ്യമായ ഫിന്ലന്ഡ് കടുത്ത സാമ്പത്തിക പ്രതിസന്ധിയിലേക്ക് കൂപ്പുകുത്തിയപ്പോള് തിരികെ മാര്ക്കറ്റിലേക്കെത്താന് സഹായിച്ചതും ഇതേ നോക്കിയ തന്നെ. അന്ന് ഫിന്ലന്ഡിന്റെ ആകെ ജി.ഡി.പിയുടെ നാല് ശതമാനമായിരുന്നു നോക്കിയ കമ്പനി സംഭാവന ചെയ്തത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.