• കൊല്ക്കത്ത ആര് ജി കര് മെഡിക്കല് കോളേജില് വനിത ഡോക്ടര്
ബലാത്സംഗത്തിനിരയായി കൊല്ലപ്പെട്ട സംഭവത്തില് സുപ്രീം കോടതി സ്വമേധയാ
കേസെടുത്തു.
• സംസ്ഥാനത്ത് ഇന്നു മുതല് 21 വരെ ഒറ്റപ്പെട്ടയിടങ്ങളില് ഇടിമിന്നലോടു
കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
• കേരളത്തിൽ പാളത്തിലെ 250
വളവുകൾ നിവർത്താൻ തുക നീക്കിവച്ച് റെയിൽവേ. പാലക്കാട് ഡിവിഷന് കീഴിലെ
വളവുകൾ നേരെയാക്കി 130 കിലോമീറ്റർ വേഗം കൈവരിക്കുകയാണ് പദ്ധതി.
• മൈസൂരു അർബൻ വികസന
അതോറിറ്റിയുമായി (മുഡ) ബന്ധപ്പെട്ട ഭൂമി കുംഭകോണ കേസിൽ കർണാടക മുഖ്യമന്ത്രി
സിദ്ധരാമയ്യയെ പ്രോസിക്യൂട്ട് ചെയ്യാൻ ഗവർണർ അനുമതി നൽകി.
• ഉക്രയ്ന്
ഷെല്ലാക്രമണത്തില് റഷ്യൻ സൈന്യത്തിലുണ്ടായിരുന്ന തൃശൂർ സ്വദേശി മരിച്ചതായി
ബന്ധുക്കൾക്ക് വിവരം ലഭിച്ചു. തൃക്കൂർ പഞ്ചായത്തിലെ കല്ലൂര് നായരങ്ങാടി
സ്വദേശി കാങ്കില് ചന്ദ്രന്റെ മകന് സന്ദീപാണ് കൊല്ലപ്പെട്ടത്.
• സിവില് സര്വീസിൽ കൂടുതല്
സ്വകാര്യ ഉദ്യോഗസ്ഥരെ ഉള്പ്പെടുത്താനുള്ള നീക്കവുമായി കേന്ദ്രസര്ക്കാര്.
വിവിധ കേന്ദ്ര മന്ത്രാലയങ്ങളിലെ ജോയിന്റ് സെക്രട്ടറിമാർ, ഡയറക്ടർമാർ,
ഡെപ്യൂട്ടി സെക്രട്ടറിമാർ തുടങ്ങിയ പ്രധാന തസ്തികകളിലേക്ക് 45 പേരെ
സ്വകാര്യ മേഖലയില് നിന്നും കരാര് വ്യവസ്ഥയില് ഉള്പ്പെടുത്താനാണ്
നീക്കം.
• 2024 ലെ ഉത്തരവാദിത്ത ടൂറിസം അവാർഡുകൾ പ്രഖ്യാപിച്ചപ്പോൾ ഒന്നാം സ്ഥാനം
കേരള ടൂറിസം നേടി. കേരള ഉത്തരവാദിത്ത ടൂറിസം മിഷൻ സൊസൈറ്റി നടപ്പിലാക്കുന്ന
ബേപ്പൂർ സമഗ്ര ഉത്തരവാദിത്ത ടൂറിസം പദ്ധതിയാണ് അവാർഡിന് അർഹമായത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.