തളിപ്പറമ്പ:കർണാടകയിലെ അങ്കോലയിൽ മണ്ണിടിച്ചിലിൽ കാണാതായ ലോറി ഡ്രൈവർ അർജുന് വേണ്ടി തിരച്ചിൽ തുടരുകയാണ്. ഗംഗാവാലി പുഴയിൽ നിന്ന് ഒൻപതാം നാൾ ലോറി കണ്ടെത്തിയ ആശ്വാസ വാർത്തയിലാണ് എല്ലാവരും. കണ്ണീരോടെ കാത്തിരിക്കുന്നവരുടെ മുമ്പിലേക്ക് ആശ്വാസമായി മാറുകയാണ് ഈ വാർത്ത.അർജുനെ കാണാതായതിന് പിന്നാലെ രണ്ടാം ക്ലാസുകാരി എഴുതിയ ഡയറിക്കുറിപ്പാണ് ഇപ്പോൾ വൈറലാകുന്നത്. കണ്ണൂർ ജില്ലയിലെ കുറുമാത്തൂർ സൗത്ത്ലെ യു പി സ്കൂളിലെ രണ്ടാം ക്ലാസ് വിദ്യാർത്ഥി ഹബീബയുടെ ഡയറിയാണ് വയറൽ ആകുന്നത്.
"ഇന്ന് എനിക്ക് സങ്കടമുള്ള ദിവസമാണ്. കേരളത്തിൽ നിന്നും കർണാടകയിലേക്ക് വണ്ടിയുമായി പോയ അർജുൻ മണ്ണിടിച്ചിലിൽ കാണാതായി. ദൈവം ആർക്കും ഇങ്ങനെ ഒരു വിധി വരുത്താതിരിക്കട്ടെ - എന്നായിരുന്നു ഹബീബ ഡയറിയിൽ കുറിച്ചത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.