പ്രശസ്ത സിനിമറ്റോഗ്രാഫറും സംവിധായകനുമായ സന്തോഷ് ശിവനെ കാൻ ഫിലിം ഫെസ്റ്റിവൽ ഇന്ന് സിനിമറ്റോഗ്രാഫര്‍ക്കുള്ള പിയറി ആൻജിനോ അവാർഡ് നൽകി ആദരിക്കും. ഇതാദ്യമായാണ് ഒരു ഏഷ്യക്കാരന് ഈ അവാർഡ് ലഭിക്കുന്നത്. സന്തോഷ് ശിവൻ്റെ ഈ അതുല്യ നേട്ടം മലയാളിയെ അഭിമാനത്തിൻ്റെ കൊടുമുടിയിലെത്തിക്കുന്നു.
2013-ലാണ് ഛായാഗ്രഹണമികവിനുള്ള പിയർ ആഞ്ജിനോ എക്‌സലൻസ് ഇൻ സിനിമറ്റോഗ്രാഫി പുരസ്‌കാരം കാൻ ഫെസ്റ്റിവലിൽ നൽകാൻ ആരംഭിച്ചത്. ആധുനിക സൂം ലൈനുകളുടെ പിറവിക്ക് കാരണക്കാരനായ പിയറി ആൻജിനോയുടെ സ്മരണാർത്ഥമാണ് അവാർഡ്. ഈ ബഹുമതി ലഭിക്കുന്ന ആദ്യ ഏഷ്യക്കാരനാണ് സന്തോഷ് ശിവൻ.
ക്യാമറ കണ്ണുകളിലൂടെ സൗന്ദര്യശാസ്ത്രത്തിൻ്റെ മാസ്മരിക ലോകം സൃഷ്ടിക്കുന്നതാണ്സന്തോഷിൻ്റെ പ്രത്യേകത. റോജ, ദളപതി, ദിൽസെ, ഇരുവർ, രാവൺ, പെരുന്തച്ചൻ, യോദ്ധ, കാലാപാനി, വാനപ്രസ്ഥം തുടങ്ങിയ ചിത്രങ്ങളിലൂടെ 20-ലധികം അന്താരാഷ്ട്ര അവാർഡുകളും 100-ലധികം ദേശീയ അവാർഡുകളും സന്തോഷ് ശിവ നേടിയിട്ടുണ്ട്.
എഡ്വേർഡ് ലക്മാൻ, ആഗ്നസ് ഗോദാർഡ്, ബാരി അക്രോയിഡ്, റോജർ ഡീക്കിൻസ്, തുടങ്ങിയ ഇതിഹാസ ഛായാഗ്രാഹകർക്ക് ലഭിച്ച അവാർഡ് സന്തോഷ് ശിവനെ തേടിയെത്തിയത് മലയാളിക്കും ഇന്ത്യൻ സിനിമയ്ക്കും ഇരട്ടി അനുഗ്രഹമാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.