ആഗോള ഡെങ്കിപ്പനി പകർച്ചവ്യാധികളുടെ പ്രവണതകൾ പ്രവചിക്കാൻ ഇന്ത്യൻ മഹാസമുദ്രത്തിലെ സമുദ്രോപരിതല താപനിലയിലെ
'കാലാവസ്ഥാ സൂചകമായ' ഈ നിരീക്ഷിച്ച അസാധാരണ താപനിലകൾവ്യത്യാസങ്ങള്‍ മനസ്സിലാക്കുന്നതിലൂടെ സാധിക്കുമെന്ന് പുതിയ കണ്ടെത്തല്‍.
ഈ
'ക്ലൈമറ്റ് ഇന്‍ഡിക്കേറ്ററുകളുടെ' സഹായത്താല്‍ ഡെങ്കി പനി പൊട്ടി
പുറപ്പെടുന്നതിനെകുറിച്ചുള്ള പ്രവചനവും ആസൂത്രണവും കാര്യക്ഷമമമാക്കുവാന്‍ സഹായിക്കുമെന്ന് ശാസ്ത്രജ്ഞർ പറഞ്ഞു.
നിലവിൽ, മഴയും താപനിലയുമാണ്
ഡെങ്കിപ്പനി പോലുള്ള രോഗ പ്രവണതകൾ പ്രവചിക്കുന്നതിനുള്ള സംവിധാനങ്ങളായി
ഉപയോഗിക്കുന്ന ചില കാലാവസ്ഥാ സൂചകങ്ങള്‍.
Read More >> ജാഗ്രത ! ഇടവിട്ടു പെയ്യുന്ന വേനൽ മഴ ഡെങ്കി പനിക്ക് കാരണമായേക്കാം.. ഈ കാര്യങ്ങൾ ശ്രദ്ധിക്കുക
ചൈനയിലെ ബീജിംഗ് നോർമൽ
യൂണിവേഴ്‌സിറ്റിയിലെ ഗവേഷകരുടെ കണ്ടെത്തല്‍ പ്രകാരം എൽ നിനോയുടെ
സ്വാധീനത്തിൽ ചൂടേറിയ സമുദ്രോപരിതല താപനില വിശകലനം ചെയ്യുന്നതിലൂടെ
കൊതുകുകളുടെ പ്രജനനത്തെ മനസ്സിലാക്കികൊണ്ട് ലോകമെമ്പാടും ഡെങ്കിപ്പനി പടരുവാനുള്ള സാധ്യതയെ പ്രവചികുവാന്‍ സാധിക്കുന്നു.
ഡെങ്കി പൊട്ടിപ്പുറപ്പെടാനുള്ള
സാധ്യത പ്രവചിക്കാനും അതിനുള്ള തയ്യാറെടുപ്പുകൾ നടത്താനും കഴിയുക എന്നത്
പല പ്രദേശങ്ങളിലും, പ്രത്യേകിച്ച് കൊതുക് പരത്തുന്ന രോഗം സ്ഥിരമായി
നിലനിൽക്കുന്നതോ ആയ പ്രദേശങ്ങളെ സംബന്ധിച്ച് വളരെയധികം നിര്‍ണ്ണായകമാണ്.
ഡെങ്കിപ്പനി
പൊട്ടിപ്പുറപ്പെടുന്നതിന് ദീർഘമായ കാലാവസ്ഥാ കാരണങ്ങള്‍ ഉണ്ടെന്ന്
പഠനത്തില്‍ പറയുന്നു. ഈ കണ്ടെത്തലുകൾ സയൻസ് ജേണലിൽ
പ്രസിദ്ധീകരിച്ചിട്ടുണ്ട്.
Read More >> ജാഗ്രത ! ഇടവിട്ടു പെയ്യുന്ന വേനൽ മഴ ഡെങ്കി പനിക്ക് കാരണമായേക്കാം.. ഈ കാര്യങ്ങൾ ശ്രദ്ധിക്കുക
പഠനത്തിനായി, 1990-2019 കാലഘട്ടത്തിൽ 46
തെക്കുകിഴക്കൻ ഏഷ്യൻ, അമേരിക്കൻ രാജ്യങ്ങളിൽ നിന്ന് ഓരോ വർഷവും റിപ്പോർട്ട്
ചെയ്യപ്പെട്ട ഡെങ്കിപ്പനി കേസുകളുടെ ഡാറ്റകളാണ് ഗവേഷകർ ഉപയോഗിച്ചത്.
2014-19 കാലയളവിൽ റിപ്പോർട്ട് ചെയ്യപ്പെട്ട 24 രാജ്യങ്ങളിൽ നിന്നുള്ള
പ്രതിമാസ കേസുകളുടെ ഡാറ്റയും വിശകലനത്തിനായി ഉപയോഗിച്ചു.
ഈ
ഡാറ്റകള്‍ വിശകലനം ചെയ്തതിലൂടെ ലോകമെമ്പാടുമുള്ള കാലാവസ്ഥാ പാറ്റേണുകളിലെ
മാറ്റങ്ങളും ഡെങ്കിപ്പനി പകർച്ചവ്യാധികൾക്കിടയിലുള്ള സീസണൽ, വാർഷിക
കേസുകളുടെ എണ്ണവും തമ്മിലുള്ള ബന്ധം ശാസ്ത്രജ്ഞര്‍ കണ്ടെത്തി.
ലോകമെമ്പാടുമുള്ള
ഡെങ്കിപ്പനി പകർച്ചവ്യാധികൾ ഉഷ്ണമേഖലാ ഇന്ത്യൻ മഹാസമുദ്രത്തിലെ
സമുദ്രോപരിതല താപനിലയിലെ മാറ്റങ്ങളുമായി ബന്ധപ്പെട്ടിരിക്കുന്നുവെന്നും അവർ
കണ്ടെത്തി.
"ഉഷ്ണമേഖലാ ഇന്ത്യൻ മഹാസമുദ്രത്തിലെ സമുദ്രോപരിതല
താപനില ക്രമക്കേടുകളുടെ പ്രാദേശിക ശരാശരിയെ പ്രതിനിധീകരിക്കുന്ന ഇന്ത്യൻ
ഓഷ്യൻ ബേസിൻ വൈഡ് (IOBW) സൂചികയെ ഒരു പ്രത്യേക സൂചകമായി തിരിച്ചറിയുന്നു.
വടക്കൻ അർദ്ധഗോളങ്ങളിലെയും തെക്കൻ അർദ്ധഗോളങ്ങളിലെയും ഡെങ്കിപ്പനി
പകർച്ചവ്യാധികളുമായി IOBW അടുത്ത ബന്ധപ്പെട്ടിരിക്കുന്നു."
ഡെങ്കിപ്പനി
പൊട്ടിപ്പുറപ്പെടുന്നതിന് മൂന്ന് മാസങ്ങൾക്ക് മുമ്പ്, ഓരോ അർദ്ധഗോളത്തിലും
ഓരോ വർഷവും രോഗത്തിൻ്റെ വ്യാപ്തിയും പൊട്ടിപ്പുറപ്പെടുന്ന സമയവും
പ്രവചിക്കുന്നതിൽ IOBW സൂചിക നിർണായക ഘടകമാണ്. ഡെങ്കിപ്പനി പ്രവചിക്കാനുള്ള
IOBW യുടെ കഴിവ് പ്രാദേശിക താപനിലയെ സ്വാധീനിക്കുന്നതുകൊണ്ടാകാം, ഗവേഷകർ
പറഞ്ഞു.
Read More >> ജാഗ്രത ! ഇടവിട്ടു പെയ്യുന്ന വേനൽ മഴ ഡെങ്കി പനിക്ക് കാരണമായേക്കാം.. ഈ കാര്യങ്ങൾ ശ്രദ്ധിക്കുക
IOBW സൂചികയ്ക്ക് ഡെങ്കിപ്പനിപൊട്ടിപുറപ്പെടലുകളുടെ
പ്രവചനങ്ങളുടെ ലീഡ് സമയം വർദ്ധിപ്പിക്കാൻ കഴിയുമെന്ന് ഈ കണ്ടെത്തലുകൾ
സൂചിപ്പിക്കുന്നു. ഡെങ്കി പകർച്ചവ്യാധികൾ പ്രവചിക്കുന്നതിൽ തങ്ങളുടെ
മാതൃകയുടെ പ്രകടനം വിലയിരുത്തുന്നതിന് കൂടുതൽ പഠനങ്ങള്‍ ആവശ്യമാണെന്ന് അവർ
മുന്നറിയിപ്പ് നൽകി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.