ഡൽഹി മദ്യനയ അഴിമതി കേസിൽ ഡൽഹി മുഖ്യമന്ത്രി അരവിന്ദ് കെജ്രിവാളിന് സുപ്രീം കോടതി ഇടക്കാല ജാമ്യം അനുവദിച്ചു. ജൂൺ ഒന്നുവരെ ഉപാധികളോടെയാണ് ജാമ്യം.ജാമ്യ വ്യവസ്ഥകൾ കർശനമായി പാലിച്ചുകൊണ്ട് കെജ്രിവാളിന് തിരഞ്ഞെടുപ്പ് പ്രചാരണത്തിൽ പങ്കെടുക്കാം.
കെജ്രിവാളിന് 21 ദിവസത്തേക്ക് ഇടക്കാല ജാമ്യം അനുവദിച്ചാൽ പ്രശ്‌നമില്ലെന്ന് കോടതി ഇഡിയോട് പറഞ്ഞു. ജസ്റ്റിസുമാരായ സഞ്ജീവ് ഖന്ന, ദീപങ്കർ ദത്ത എന്നിവരടങ്ങിയ ബെഞ്ചിൻ്റേതാണ് ഉത്തരവ്. ഇടക്കാല ജാമ്യം ലഭിച്ചിട്ടും ഔദ്യോഗിക കൃത്യനിർവഹണം നടത്താൻ കെജ്രിവാളിന് കഴിയുന്നില്ല. കെജ്‌രിവാളിനെ അറസ്റ്റ് ചെയ്യുന്നതിൽ ഇഡിയുടെ കാലതാമസവും ഹർജി പരിഗണിക്കവെ സുപ്രീം കോടതി ചൂണ്ടിക്കാട്ടി. അതേസമയം അറസ്റ്റിനെ ചോദ്യം ചെയ്ത് കെജ്‌രിവാളിൻ്റെ ഹർജിയിൽ വാദം തുടരും.
ലോക്‌സഭാ തിരഞ്ഞെടുപ്പ് കാലമായതിനാൽ അരവിന്ദ് കെജ്‌രിവാളിൻ്റെ ജാമ്യം രാഷ്ട്രീയമായി ഉപയോഗിക്കാനാണ് ആം ആദ്മി പാർട്ടി ശ്രമിക്കുന്നത്. ഇഡിയുടെ തിരിച്ചടിയുടെ അടിസ്ഥാനത്തിലായിരിക്കും എഎപിയുടെ പോരാട്ടം. കെജ്രിവാളിന് ജാമ്യം ലഭിച്ചയുടൻ ആം ആദ്മി പാർട്ടി പ്രവർത്തകർ പാർട്ടി ആസ്ഥാനത്തെത്തി ആഘോഷം തുടങ്ങി. പഞ്ചാബ് മുഖ്യമന്ത്രി ഭഗവന്ത് മാൻ സിങ്ങും ഇന്ന് ഡൽഹിയിലെത്തും. ജൂൺ നാലിന് ഫലം പ്രഖ്യാപിക്കുന്നത് വരെ ഇടക്കാല ജാമ്യം അനുവദിക്കണമെന്ന് കെജ്രിവാൾ ആവശ്യപ്പെട്ടു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.