കർഷകനെയും കൃഷിയെയും സാമൂഹിക ജീവിതത്തിൻ്റെ കേന്ദ്രസ്ഥാനത്ത് പ്രതിഷ്ഠിക്കുന്നു എന്നതാണ് മറ്റ് ആഘോഷങ്ങളിൽ നിന്ന് ഇതിനെ വ്യത്യസ്തമാക്കുന്നത്. ഈ വർഷത്തെ വിഷു നമ്മുടെ കാർഷിക സംസ്കാരത്തെ വീണ്ടെടുക്കാനും സമ്പന്നമാക്കാനുമുള്ള ഓർമ്മപ്പെടുത്തലാണ്.
സമത്വത്തിൻ്റെ കാലമായിട്ടാണ് പഴമക്കാർ വിഷുവിനെ കാണുന്നത്. ജാതി മത ഭേദമന്യേ മനുഷ്യമനസ്സുകളുടെ സമത്വം ഉയർത്തിപ്പിടിക്കാൻ അത് പ്രചോദനമാകും. നാനാജാതി മതസ്ഥർ സൗഹാർദത്തോടെ ജീവിക്കുന്ന നമ്മുടെ നാട്ടിൽ വർഗീയ ചേരിതിരിവ് ഉണ്ടാക്കാനുള്ള ഗൂഢ പദ്ധതികളുമായി പ്രതിലോമ ശക്തികൾ മുന്നോട്ട് പോവുകയാണ്. ഈ അപകടം തിരിച്ചറിയാനും തടയാനും നാം ശ്രദ്ധിക്കേണ്ടതുണ്ട്. ഇരുട്ടിൻ്റെ മേൽ വെളിച്ചത്തിൻ്റെ വിജയമായാണ് ഐതിഹ്യങ്ങൾ വിഷുവിനെ കാണുന്നതെന്നും അദ്ദേഹം ആശംസാ കുറിപ്പിൽ പറഞ്ഞു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.