ജസ്റ്റിസുമാരായ സഞ്ജീവ് ഖന്ന, ദീപങ്കർ ദത്ത എന്നിവരടങ്ങിയ ബെഞ്ചാണ് കേസ് പരിഗണിക്കുക. അറസ്റ്റും റിമാൻഡും ശരിവച്ച ഇഡി നടപടിക്കെതിരായ ഹർജി ഡൽഹി ഹൈക്കോടതി തള്ളിയതിനെ തുടർന്നാണ് കെജ്രിവാൾ സുപ്രീം കോടതിയെ സമീപിച്ചത്. അതുകൊണ്ട് തിങ്കളാഴ്ചത്തെ സുപ്രീം കോടതി വിധി കെജ്രിവാളിന് നിർണായകമാണ്. അതേസമയം, ഇഡി ഉപയോഗിച്ചുള്ള കേന്ദ്രസർക്കാരിൻ്റെ നീക്കത്തെ ആം ആദ്മി പാർട്ടി വിമർശിക്കുന്നു.
കെജ്‌രിവാളിനോട് കാട്ടിയ പെരുമാറ്റം മനുഷ്യത്വരഹിതമാണെന്നും ഭാര്യയെ കാണാൻ പോലും കെജ്‌രിവാളിനെ അനുവദിക്കാത്ത നടപടി മനുഷ്യത്വരഹിതമാണെന്നും ആം ആദ്മി പാർട്ടി നേതാവ് സഞ്ജയ് സിംഗ് പറഞ്ഞു. മോദിയും അമിത് ഷായും ഏകാധിപതികളാകാൻ ശ്രമിക്കരുതെന്നും ഭരണഘടനയും ജനാധിപത്യവും സംരക്ഷിക്കാനുള്ള പോരാട്ടം തുടരുമെന്നും സഞ്ജയ് സിംഗ് പറഞ്ഞു. അതേസമയം, മദ്യനയ കേസിൽ അറസ്റ്റിലായ ബിആർഎസ് നേതാവ് കെ കവിതയുടെ കസ്റ്റഡി കാലാവധി ഏപ്രിൽ 15ന് അവസാനിക്കും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.