സംസ്ഥാനത്ത് ചൂട് അനുദിനം വർധിക്കുന്നതിനൊപ്പം വൈദ്യുതി ഉപഭോഗവും കൂടുന്നത് കെഎസ്ഇബിയെ ആശങ്കയിലാക്കുന്നു. പരമാവധി വൈദ്യുതി ഉപഭോഗത്തിൻ്റെ സമയക്രമത്തിൽ മാറ്റം വന്നിട്ടുണ്ട്. വൈകുന്നേരം 6 മണി മുതൽ പുലർച്ചെ 1 മണി വരെയാണ് പുതിയ പീക്ക് ടൈം.
സംസ്ഥാനത്തെ ജലവൈദ്യുതി ഉത്പാദനം 20 ദശലക്ഷം യൂണിറ്റ് മാത്രമാണ്. കഴിഞ്ഞ ദിവസം സംസ്ഥാനത്തെ പ്രതിദിന വൈദ്യുതി ഉപഭോഗം 11 കോടിയിലെത്തിയിരുന്നു. ഏകദേശം 85 ദശലക്ഷം വൈദ്യുതി പുറത്തുനിന്ന് നൽകേണ്ടതുണ്ട്. ഇത് കെഎസ്ഇബിയെ ഏറെ ആശങ്കയിലാക്കിയിരിക്കുകയാണ്. സംസ്ഥാനം ഉയർന്ന വിലയ്ക്ക് വൈദ്യുതി വാങ്ങണം. ഇത് കെഎസ്ഇബിയെയും സാമ്പത്തിക പ്രതിസന്ധിയിലാക്കുന്നുണ്ട്.
നേരത്തെ, വൈകിട്ട് ആറു മുതൽ രാത്രി 11 വരെയായിരുന്നു വൈദ്യുതി ഉപഭോഗം. ഈ സമയം ഇപ്പോൾ വീണ്ടും ഉയർന്നു. കഴിഞ്ഞ ദിവസം രാത്രി 10.44നാണ് ഏറ്റവും കൂടുതൽ വൈദ്യുതി ഉപഭോഗം രേഖപ്പെടുത്തിയത്. രാത്രിയിലെ ചൂട് താങ്ങാനാവാതെ ഫാനുകളും എസിയും വൻതോതിൽ ഉപയോഗിക്കുന്നതാണ് ഈ സമയത്ത് വൈദ്യുതി ഉപഭോഗം കൂടാൻ കാരണം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.