വ്യാജ പ്രചരണങ്ങളെ അതിജീവിച്ച് ജനങ്ങൾ യഥാർത്ഥ സത്യം തിരിച്ചറിയുമെന്ന് വടകര എൽഡിഎഫ് സ്ഥാനാർത്ഥി കെ കെ ശൈലജ പറഞ്ഞു. തെറ്റായ പ്രചരണങ്ങൾക്ക് ജനങ്ങൾ മറുപടി നൽകും. രാഷ്ട്രീയ മര്യാദകൾ കാറ്റിൽ പറത്തി മുഖ്യമന്ത്രിയെപ്പോലും കോൺഗ്രസ് അപമാനിക്കുന്നു. കേന്ദ്രസർക്കാരിനെതിരെ മുഖ്യമന്ത്രി ഡൽഹിയിൽ പ്രതിഷേധിക്കാൻ ചെന്നപ്പോൾ കോൺഗ്രസ് നേതാക്കളെ ബന്ധപ്പെട്ടപ്പോൾ അവർ നിഷേധിച്ചു.
ഇന്ത്യയുടെ മതേതരത്വം സംരക്ഷിക്കാൻ മുഖ്യമന്ത്രി മുൻകൈ എടുക്കുകയാണെന്ന് പങ്കെടുത്ത ഇതര സംസ്ഥാന നേതാക്കൾ പറഞ്ഞു. കോൺഗ്രസ് ആക്രമണങ്ങൾക്ക് ജനങ്ങൾ മറുപടി നൽകുമെന്നും ഷൈലജ പറഞ്ഞു. വടകരയിൽ കെ.കെ.ശൈലജ ടീച്ചർക്ക് ലഭിച്ച സ്വീകാര്യത കണ്ട് സമനില തെറ്റിയപ്പോൾ അടിസ്ഥാനരഹിതമായ പ്രവർത്തനമാണ് ചിലരിൽ നിന്നുണ്ടായതെന്ന് മുഖ്യമന്ത്രി പറഞ്ഞു. അത് അവർക്ക് അപമാനകരമായിരിക്കും. സാംസ്കാരിക കേരളം ഇത് അംഗീകരിക്കില്ലെന്നും അദ്ദേഹം പറഞ്ഞു.
പ്രതിപക്ഷ നേതാവ് വി.ഡി.സതീശൻ പച്ചക്കള്ളം പ്രചരിപ്പിച്ച് തന്നെ കളിയാക്കുകയാണെന്ന് മുഖ്യമന്ത്രി പിണറായി വിജയൻ. കള്ളം പറയുന്ന സമ്മാനമുണ്ടെങ്കിൽ ഒന്നാം സ്ഥാനം വി ഡി സതീശനായിരിക്കും. സി.പി.എം ഇലക്ടറൽ ബോണ്ട് വാങ്ങിയെന്നാണ് സതീശൻ്റെ പുതിയ നുണ. അടുത്തിടെ സതീശൻ്റെ പ്രസംഗം മോശമായെന്നും മുഖ്യമന്ത്രി പറഞ്ഞു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.