തളിപ്പറമ്പ് : ലോക എയ്ഡ്സ് ദിനത്തിൻ്റെ ഭാഗമായി ബ്ലഡ് ഡോണേഴ്സ് കേരള തളിപ്പറമ്പ് താലൂക്ക് കമ്മിറ്റിയും തളിപ്പറമ്പ് നാഷണൽ കോളേജും സംയുക്തമായി തളിപ്പറമ്പ് സഹകരണ ആശുപത്രി രക്ത കേന്ദ്രത്തിൽ സന്നദ്ധ രക്തദാന ക്യാമ്പ് സംഘടിപ്പിച്ചു.
3 പെൺകുട്ടികൾ അടക്കം 16 പേർ രക്തം ദാനം ചെയ്തു. വൈസ് പ്രിൻസിപ്പൽ എൻ വി പ്രസാദ് അഡ്മിനിസ്ട്രേറ്റർ മഞ്ജുഷ, ബ്ലഡ് ഡോണേഴ്സ് കേരള ജില്ലാ ജോ. സെക്രട്ടറി അനൂപ് സുശീലൻ, താലൂക്ക് പ്രസിഡൻ്റ് റഷീദ് നെടുവോട്, എയ്ഞ്ചൽസ് വിംഗ് പ്രസിഡൻ്റ് അനിത രാജീവ്, ശ്രീജേഷ് മൊറാഴ, ശ്രുതി പി.വി എന്നിവർ നേതൃത്വം നൽകി.കോളേജിൽ രക്തദാനസേന രൂപീകരിച്ച് ബോധൽക്കരണ പ്രവർത്തനവും അത്യാവശ്യ ഘട്ടങ്ങളിൽ രോഗികൾക്ക് രക്തം എത്തിക്കാനുള്ള ഇടപെടലുകളും നടത്തുമെന്ന് നാഷണൽ കോളേജ് മാനേജിംഗ് ഡയക്ടർ പി.കെ ബിജോയ് അറിയിച്ചു.