ഒളിക്യാമറയിൽ കുടുങ്ങിയ കളക്ടറെ സസ്പെൻഡ് ചെയ്തു. കളക്ടറെ കുടുക്കാൻ ക്യാമറ സ്ഥാപിച്ച അഡീഷണൽ കളക്ടർക്കും പണി കിട്ടി. ഗുജറാത്തിലെ ആനന്ദ് ജില്ലാ കളക്ടറേറ്റിലാണ് സംഭവം.
ഓഗസ്റ്റ് ഒമ്പതിനാണ് കളക്ടർ ഡി.എസ്.ഗധവിയെ സസ്പെൻഡ് ചെയ്തത്. പ്രാഥമിക അന്വേഷണത്തിൽ ദൃശ്യങ്ങൾ യഥാർത്ഥമാണെന്ന് കണ്ടെത്തി. ഗാധാവിക്കിനെതിരെ നേരത്തെയും ആരോപണം ഉയർന്നിട്ടുണ്ട്. മുതിർന്ന ഐഎഎസ് ഉദ്യോഗസ്ഥരുടെ സംഘം വകുപ്പുതല അന്വേഷണവും നടത്തി.
ഓഫീസിൽ ഒളിക്യാമറ സ്ഥാപിച്ചത് ആരെന്ന പോലീസിന്റെ അന്വേഷണമാണ് വനിതാ റസിഡന്റ് അഡീഷണൽ കളക്ടർ കേതകി വ്യാസിലേക്ക് എത്തിച്ചത്. കേതകിയും ഡെപ്യൂട്ടി തഹസിൽദാർ ജെ.ഡി.വ്യാസും അദ്ദേഹത്തിന്റെ കീഴിലുള്ള ഹർഷ് ചാവ്ദയും രഹസ്യ ക്യാമറ സ്ഥാപിച്ചു. കളക്ടറെ ഭീഷണിപ്പെടുത്തി ചില ഫയലുകളിൽ ഒപ്പിടുകയായിരുന്നു ലക്ഷ്യം. ഇതിനായി പലതവണ യുവതിയെ നിയോഗിച്ചതായും പൊലീസ് പറയുന്നു. കുടുങ്ങിയ കളക്ടറുടെ ദൃശ്യങ്ങൾ വൈറലായതോടെ സംഘത്തിന് തിരിച്ചടിയായി. മൂന്ന് പേർക്കെതിരെയും കേസെടുത്തു. ഉടൻ അറസ്റ്റ് ഉണ്ടായേക്കും.
