കണ്ണൂർ : ആസാദി ക അമൃത് മഹോത്സവ് സ്വാതന്ത്ര്യത്തിൻ്റെ എഴുപത്തി അഞ്ചാം വാർഷിക ആഘോഷത്തിൻ്റെ ഭാഗമായി ജില്ലയിലെ വിവിധ രക്തബാങ്കുകളിൽ ബ്ലഡ് ഡോണേഴ്സ് കേരള കണ്ണൂർ താലൂക്ക് കമ്മിറ്റി നേതൃത്വത്തിൽ സന്നദ്ധ രക്തദാന ക്യാമ്പുകൾ സംഘടിപ്പിച്ചു.
കണ്ണൂർ ജില്ലാ ആശുപത്രി, എ കെ ജി ആശുപത്രി, ശ്രീചന്ദ്സ് സാറ മെമ്മോറിയൽ ബ്ലഡ് സെൻ്റർ എന്നിവിടങ്ങളിലാണ് രക്തം നൽകിയത്. സ്ത്രീകൾ ഉൾപ്പെടെ 102 പേർ രക്തം ദാനം ചെയ്തു.
താലൂക്ക് ജനറൽ സെക്രട്ടറി സായി മുഹമ്മദ്, പ്രസിഡൻ്റ് അനസ് ചെറുകുന്ന്, ജില്ലാ ക്യാമ്പ് കോ ഓർഡിനേറ്റർ ഷബീർ കുഞ്ഞിപ്പള്ളി, സെക്രട്ടറി എം.മുബാരിസ്, എയ്ഞ്ചൽസ് വിംഗ് ജനറൽ സെക്രട്ടറി ഷഹീറ കെ.പി, പ്രസിഡൻ്റ് സമീറ അഷ്‌റഫ്, കെ.പി ബിന്ദു, നിഷാന്ത് സാംസൺ, സമദ് കണ്ണൂർ സിറ്റി, അബൂബക്കർ പുറത്തീൽ, മുസവിർ വാരം, അബു ഷാ, ഷബീൽ വി.പി, ഫഹീം, നൗഷാദ് തയ്യിൽ, ബാദുഷ പി.പി, ദിപിൻ
എന്നിവർ നേതൃത്വം നൽകി.
ആഗസ്ത് 15 സ്വാതന്ത്ര്യ ദിനത്തിൽ കണ്ണൂർ ജില്ലാ ആശുപത്രി ബ്ലഡ് സെൻ്റർ, നാടുകാണി അൽ മഖർ കാരുണ്യം ദവാ സെൽ എന്നിവയുമായി സഹകരിച്ച് നാടുകാണി അൽ മഖർ ക്യാമ്പസിൽ 75 പേർ രക്തം ദാനം ചെയ്യുന്ന മെഗാ ക്യാമ്പും രക്ത ഗ്രൂപ്പ് നിർണ്ണയവും നടക്കുമെന്ന് ഭാരവാഹികൾ അറിയിച്ചു. രക്തം ദാനം ചെയ്യാൻ താൽപ്പര്യമുള്ളവർ ബന്ധപ്പെടുക. ഫോൺ: 9947223623, 9895766587
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.