വ്യാജ പോലീസ് ഐഡന്റിറ്റി കാർഡ് നിർമ്മിച്ച് തട്ടിപ്പ്, കേസ് രജിസ്റ്റർ ചെയ്തു. #Taliparamba

തളിപ്പറമ്പ്: വ്യാജ ഐഡന്റിറ്റി കാർഡ് നിർമിച്ച് തട്ടിപ്പ്, കേസെടുത്തു. പട്ടുവം മുതുകുടയിലെ രവീന്ദ്രൻ കെ എന്നയാൾക്കെതിരെയാണ് കേസ്. തളിപ്പറമ്പ് പോലീസ് ഓഫീസിൽ താൽക്കാലിക ജീവനക്കാരനായി സ്വീപ്പർ ജോലി ചെയ്തിരുന്ന പ്രതി 2023 ഫെബ്രുവരി 21 മുതൽ 2025ഫെബ്രുവരി 21 വരെ കാലാവധിയുള്ള വ്യാജ പോലീസ് ഐഡന്റിറ്റി കാർഡ് നിർമ്മിച്ച് കൈവശം വെച്ച് ഉപയോഗിക്കുകയായിരുന്നു.

 Fraud by making fake identity card, case registered.

ബാങ്കിൽ ജോലിയുണ്ടെന്ന് വിശ്വസിപ്പിച്ച് സ്വര്‍ണവും പണവും കവർന്നു; ഭർത്താവിനെയും മറ്റുള്ളവരെയും കബളിപ്പിച്ച സ്ത്രീ അറസ്റ്റിൽ. #Kochi

 കൊച്ചി: ബാങ്ക് ജീവനക്കാരിയെന്ന് നടിച്ച് ബന്ധുക്കളിൽ നിന്നും സുഹൃത്തുക്കളിൽ നിന്നും ലക്ഷക്കണക്കിന് രൂപ തട്ടിയെടുത്ത സ്ത്രീയെ കൊച്ചി പോലീസ് അറസ്റ്റ് ചെയ്തു. അടിമാലി സ്വദേശിനിയായ അനുഷ ഡൽഹിയിൽ നിന്നാണ് അറസ്റ്റിലായത്.

കോതമംഗലത്തെ ഒരു ബാങ്കിലെ ജീവനക്കാരിയാണെന്ന് അവകാശപ്പെട്ട് 2019 മുതൽ പ്രതി തട്ടിപ്പ് നടത്തിവരികയായിരുന്നു. ജോലിക്ക് പോകാമെന്ന വ്യാജേന അവർ എല്ലാ ദിവസവും വീട്ടിൽ നിന്ന് ഇറങ്ങുമായിരുന്നു. ബാങ്കിൽ നിക്ഷേപിച്ചാൽ കൂടുതൽ പലിശ ലഭിക്കുമെന്ന് പറഞ്ഞാണ് അവർ സ്വർണം വാങ്ങിയത്.

ഇങ്ങനെ ലഭിച്ച സ്വർണം പ്രതി മോഷ്ടിച്ചിരുന്നു. കഴിഞ്ഞ വർഷം ഡിസംബർ 21 ന് സ്ഥാനക്കയറ്റത്തിനായി അഭിമുഖം ഉണ്ടെന്ന് പറഞ്ഞ് അനുഷ വീട്ടിൽ നിന്ന് ഇറങ്ങിയെങ്കിലും തിരിച്ചെത്തിയില്ല.

ഭാര്യയെ കാണാതായതിനെ തുടർന്ന് ഭർത്താവ് അരുൺ കോതമംഗലത്തെ ബാങ്ക് ശാഖയിൽ അന്വേഷിച്ച് പോയപ്പോഴാണ് ഞെട്ടിക്കുന്ന വിവരങ്ങൾ പുറത്തുവന്നത്. അനുഷ എന്ന പേരിൽ ആരും അവിടെ ജോലി ചെയ്യുന്നില്ലെന്ന് ബാങ്ക് അധികൃതർ വ്യക്തമാക്കിയിരുന്നു. ജോലി വ്യാജമാണെന്ന് ഇതോടെ തെളിഞ്ഞു.

അനുഷയും അരുണും എട്ട് വർഷം മുമ്പ് വിവാഹിതരായി. 2019-ൽ അരുൺ വിദേശത്തേക്ക് പോയപ്പോൾ, തനിക്ക് ബാങ്കിൽ ജോലി ലഭിച്ചുവെന്ന് പ്രതി അനുഷയെ വിശ്വസിപ്പിച്ചിരുന്നു. പിന്നീട്, അരുൺ വിദേശത്ത് നിന്ന് തിരിച്ചെത്തിയതിനുശേഷവും, ബാങ്ക് ഉദ്യോഗസ്ഥയായി വേഷംമാറി അനുഷ തട്ടിപ്പ് തുടർന്നു.

 Gold theft by making woman believe she has a job at a bank; husband and others were duped, suspect arrested.

വ്യാജ തിരിച്ചറിയൽ കാർഡിൽ കുരുങ്ങി രാഹുൽ: കേസിൽ ക്രൈംബ്രാഞ്ച് ചോദ്യം ചെയ്യും #fake_identity

യൂത്ത്‌ കോൺഗ്രസ്‌ സംസ്ഥാന പ്രസിഡന്റാകാൻ രാഹുൽ മാങ്കൂട്ടത്തിലും സംഘവും വ്യാജ ഐഡി കാർഡുകളുണ്ടാക്കി സംഘടനാ തെരഞ്ഞെടുപ്പ്‌ അട്ടിമറിച്ച കേസിൽ രാഹുൽ മാങ്കൂട്ടത്തിലിനെ ക്രൈംബ്രാഞ്ച് ചോദ്യം ചെയ്യും. ശനിയാഴ്ച ഹാജരാകാൻ നോട്ടീസ് നൽകി. പ്രതികളുടെ ശബ്ദരേഖയിൽ രാഹുലിൻ്റെ പേരും ഉണ്ട്. ഇതോടെയാണ് വീണ്ടും വിളിപ്പിച്ചത്.

വ്യാജരേഖ ചമയ്‌ക്കലും വഞ്ചനാക്കുറ്റവും ക്രിമിനൽ ഗൂഢാലോചനയും വ്യാജ ഇലക്‌ട്രോണിക്‌ രേഖയുണ്ടാക്കലുമടക്കം ഗുരുതര കുറ്റകൃത്യങ്ങളാണ് പ്രതികൾ ചെയ്തതെന്നാണ് അന്വേഷക സംഘത്തിന്റെ വിലയിരുത്തൽ. യൂത്ത് കോൺഗ്രസ് നേതാക്കളും രാഹുലിന്റെ അടുത്ത സുഹൃത്തുക്കളുമായ അഭിനന്ദ്‌ വിക്രമൻ, രഞ്ജു, ഫെനി നൈനാന്‍, ബിനില്‍ ബിനു, വികാസ് കൃഷ്ണ,ജെയ്സൺ എന്നിവരാണ് കേസിലെ മറ്റ് പ്രതികൾ. ഫെനി നൈനാനും, ബിനില്‍ ബിനുവും പിടിയിലാകുമ്പോൾ സഞ്ചരിച്ചിരുന്നത് രാഹുൽ മാങ്കൂട്ടത്തിന്റെ കാറിലായിരുന്നു. ഇതോടെയാണ് രാഹുലിലേക്കും അന്വേഷണം തിരിഞ്ഞത്.

മൊബൈൽ ആപ്ലിക്കേഷൻ വഴിയാണ് സംഘം കാർഡുകൾ നിർമിച്ചത്. തെരഞ്ഞെടുപ്പ് കമീഷന്റെ വെബ്‌സൈറ്റിൽ നിന്നും ഡൗൺലോഡ് ചെയ്ത തിരിച്ചറിയൽ കാർഡുകളിലെ ഫോട്ടോയും പേരും മാറ്റി സംഘടനാ തെരഞ്ഞെടുപ്പിന്‌ ഉപയോഗിച്ചതെന്ന്‌ തിരുവനന്തപുരം ഫോറൻസിക്‌ ലാബിൽ നടത്തിയ പരിശോധനയിൽ കണ്ടെത്തി. ഇത് രാജ്യസുരക്ഷയ്ക്ക് തന്നെ ഭീഷണിയാണെന്ന് അന്വേഷണത്തിൽ കണ്ടെത്തി.

അഭിനന്ദ്‌ വിക്രമന്റെ ലാപ്‌ടോപിൽ ഫോട്ടോഷോപ്‌ ഉപയോഗിച്ചാണ്‌ കാർഡുകൾ നിർമിച്ചതെന്ന്‌ പരിശോധനയിൽ വ്യക്തമായി. ദിവസവും 50 മുതൽ 60 വരെ കാർഡുകൾ എന്ന നിലയിൽ രണ്ടായിരത്തോളം വ്യാജ കാർഡുകളാണ് നിർമിച്ചത്.
 ഇന്ത്യൻ ശിക്ഷാ നിയമത്തിലെ 465, 468, 471, 419, 120 (ബി), ഐടി നിയമത്തിലെ 66(സി) വകുപ്പുകൾ പ്രകാരമാണ്‌ കേസ്‌. വ്യാജരേഖ ചമയ്‌ക്കുന്നവർക്ക്‌ ഐപിസി 465 പ്രകാരം രണ്ടുവർഷംവരെ തടവും പിഴയും ഇലക്ട്രോണിക്‌ രേഖ ചമയ്‌ക്കുന്നത്‌ 468 പ്രകാരം ഏഴ്‌ വർഷം വരെ തടവും ലഭിക്കാം. 419 അനുസരിച്ച്‌ വഞ്ചനാക്കുറ്റത്തിന്‌ മൂന്ന്‌ വർഷം വരെ തടവും പിഴയുമുണ്ടാകാം. 120(ബി) പ്രകാരം ക്രിമിനൽ ഗൂഢാലോചനയ്‌ക്ക്‌ ആറ്‌ മാസം വരെ തടവും പിഴയും നൽകാം. ഡിജിറ്റൽ ഒപ്പ്‌, പാസ്‌വേർഡ്‌, മറ്റ്‌ വ്യക്തിഗത വിവരങ്ങൾ എന്നിവ വ്യാജമായി നിർമിച്ചതിന്‌ മൂന്ന്‌ വർഷംവരെ തടവും ഒരു ലക്ഷം രൂപ വരെ പിഴയുമാണ്‌ ശിക്ഷ.