തിരുവനന്തപുരം : സമഗ്ര വോട്ടർ പട്ടിക പരിഷ്കരണം (എസ്.ഐ.ആർ) കഴിഞ്ഞുള്ള അന്തിമ വോട്ടർ പട്ടിക പ്രസിദ്ധീകരിച്ചു. അന്തിമ പട്ടിക പ്രകാരം സംസ്ഥാനത്ത് ആകെ 2,69,53,644 വോട്ടർമാരുണ്ട്. പുതിയ പട്ടികയിൽ 1,38,27,319 സ്ത്രീകളും 1,31,26,048 പുരുഷന്മാരും 277 ട്രാൻസ്ജെൻഡർമാരും 2,23,558 നോൺ-റസിഡന്റ് വോട്ടർമാരുമുണ്ട്.
വോട്ടർ പട്ടികയിൽ പേരുണ്ടോ എന്നു നോക്കുവാൻ ഈ ലിങ്കിൽ ക്ലിക്ക് ചെയ്യുക >>
കഴിഞ്ഞ വർഷം ഒക്ടോബറിലെ വോട്ടർ പട്ടികയിലെ 2.78 കോടി വോട്ടർമാരിൽ 9,06,211 പേരെ പുതിയ പട്ടികയിൽ നിന്ന് ഒഴിവാക്കിയിട്ടുണ്ട്. ഡിസംബർ 23 ന് പ്രസിദ്ധീകരിച്ച കരട് പട്ടികയിൽ ഉണ്ടായിരുന്ന 53,229 പേരെയും ഹിയറിങ് കാലയളവിൽ ഒഴിവാക്കിയിട്ടുണ്ട്. മരിച്ചവർ, വിദേശ പൗരത്വം നേടിയവർ, സ്ഥിരമായി താമസം മാറിയവർ, ഒന്നിലധികം സ്ഥലങ്ങളിൽ പേരുള്ളവർ എന്നിവരെ ഒഴിവാക്കിയിട്ടുണ്ട്.
വോട്ടർ പട്ടികയിൽ ഉൾപ്പെടുത്തുന്നതിനായി ലഭിച്ച 13,51,151 പുതിയ അപേക്ഷകൾക്കും പ്രവാസി വോട്ടർമാരാകുന്നതിനായി ലഭിച്ച 1,59,111 അപേക്ഷകൾക്കും അംഗീകാരം ലഭിച്ചു. വോട്ടർ പട്ടികയിലെ ക്രമക്കേടുകൾ പരിഹരിക്കുന്നതിനായി 36 ലക്ഷത്തിലധികം നോട്ടീസുകൾ അയച്ചതായും അധികൃതർ അറിയിച്ചു. വോട്ടർ പട്ടികയിൽ പേര് ചേർക്കാൻ ഇനിയും സമയമുണ്ടെന്ന് തിരഞ്ഞെടുപ്പ് കമ്മീഷൻ അറിയിച്ചു. നിയമസഭാ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പിക്കുന്നതിനുള്ള അവസാന ദിവസം വരെ നിങ്ങൾക്ക് പേര് ചേർക്കാം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.