Monkeypox Updates : മങ്കിപോക്‌സ്, ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രി വീണാ ജോർജ്ജ്.

സംസ്ഥാനത്ത് മങ്കിപോക്‌സുമായി ബന്ധപ്പെട്ട് ആശങ്കപ്പെടേണ്ട സാഹചര്യം നിലവിലില്ലെന്ന് മന്ത്രി വീണാ ജോർജ്. എന്നാൽ കൊവിഡ്-19 മായി ബന്ധപ്പെട്ട് സ്വീകരിച്ചു വരുന്ന മുൻകരുതൽ നടപടികൾ (മാസ്‌ക്, സാനിറ്റൈസർ തുടങ്ങിയവ) ഈ രോഗത്തെ പ്രതിരോധിക്കുന്നിതിന് വേണ്ടിയും ശക്തമായി തുടരേണ്ടതാണ്. ഇക്കാര്യത്തിൽ പൊതുജാഗ്രത ഉണ്ടാകണം. ജനങ്ങളിൽ അവബോധം സൃഷ്‌ടിക്കുന്നതിനും അതോടൊപ്പം ആശങ്കകൾ ദൂരീകരിക്കുന്നതിനും MLA - മാരുടെ സഹകരണവും ഇടപെടലുകളും ഉണ്ടാകേണ്ടത് അനിവാര്യമാണെന്നും മന്ത്രി പറഞ്ഞു. നിയമസഭയിൽ ഡോ. സുജിത്ത് വിജയൻ പിള്ള MLA - യുടെ സബ്‌മിഷന് മറുപടി പറയുകയായിരുന്നു മന്ത്രി. ആലപ്പുഴയിൽ സംശയിക്കപ്പെട്ട കേസ് നെഗറ്റീവ് ആണ്. റിസൾട്ട് വന്നു. ആദ്യ കേസിന്റ ഏറ്റവും അടുത്ത പ്രൈമറി കോൺടാക്‌ട് ആയ കുടുംബാംഗങ്ങളുടെ റിസൾട്ട് നെഗറ്റീവ് ആണ്. നിലവിൽ മങ്കിപോക്‌സ് സ്ഥിരീകരിച്ച രണ്ട് പേരുടെ ആരോഗ്യ നില തൃപ്‌തികരമായി തുടരുന്നു. കോൺടാക്ടിൽ ആർക്കും രോഗലക്ഷണങ്ങൾ ഉണ്ടായതായി റിപ്പോർട്ട് ചെയ്‌തിട്ടില്ല.ആദ്യ പോസിറ്റീവ് കേസിൽ നിന്നുള്ള സാമ്പിൾ പരിശോധനയിൽ West African Strain ആണ് വൈറസ് വിഭാഗം എന്നാണ് റിപ്പോർട്ട് ചെയ്തിട്ടുള്ളത്. ഇത് താരതമ്യേന പകർച്ച കുറവുള്ളതും മരണനിരക്ക് കുറവുള്ളതുമാണ്. മങ്കി പോക്‌സുമായി ബന്ധപ്പെട്ട എല്ലാ മുൻകരുതലുകളും ആരോഗ്യവകുപ്പ് സ്വീകരിച്ചിരുന്നു.

കുരങ്ങുപനി കണ്ണൂരിലും സ്ഥിരീകരിച്ചു : സംസ്ഥാനത്തും രാജ്യത്തും ഇത് രണ്ടാമത്തെ കുരങ്ങുപനി കേസ്. | Monkeypox confirmed in Kannur: This is the second case of monkeypox in the state and the country.

കണ്ണൂർ : ഇന്ത്യയിലെ രണ്ടാമത്തെ കുരങ്ങുപനി കേസ് കേരളത്തിലെ കണ്ണൂരിൽ കണ്ടെത്തിയതായി സംസ്ഥാന ആരോഗ്യ വകുപ്പ് ഉദ്യോഗസ്ഥർ അറിയിച്ചു.  സംസ്ഥാനത്തും രാജ്യത്തും ഇത് രണ്ടാം തവണയാണ് കുരങ്ങുപനി.

ജൂലൈ 13ന് കേരളത്തിലെത്തിയ  കണ്ണൂർ സ്വദേശിക്കാണ് പനി എന്നും, രോഗി പരിയാരം മെഡിക്കൽ കോളേജിൽ ചികിത്സയിലാണെന്നും സംസ്ഥാന ആരോഗ്യമന്ത്രി വീണാ ജോർജ് പറഞ്ഞു.  അദ്ദേഹത്തിന്റെ ആരോഗ്യനില തൃപ്തികരമാണെന്നും അവർ കൂട്ടിച്ചേർത്തു.  രോഗിയുമായി അടുത്തിടപഴകിയ എല്ലാവരെയും സൂക്ഷ്മമായി നിരീക്ഷിച്ചു വരികയാണെന്നും മന്ത്രി പറഞ്ഞു.

 വിദേശത്തുനിന്നെത്തിയ ഒരു യാത്രക്കാരനായിരുന്നു ആദ്യ രോഗി

 ഇന്ത്യയിലെ ആദ്യത്തെ വൈറസ് ബാധ വ്യാഴാഴ്ച കേരളത്തിൽ റിപ്പോർട്ട് ചെയ്തു.  വിദേശത്ത് നിന്ന് മടങ്ങിയെത്തിയ ഒരാളെ കുരങ്ങുപനി ലക്ഷണങ്ങളെ തുടർന്ന് കേരളത്തിലെ ആശുപത്രിയിൽ പ്രവേശിപ്പിച്ചു.

 രോഗിയുടെ പ്രാഥമിക കോൺടാക്റ്റുകൾ തിരിച്ചറിഞ്ഞിട്ടുണ്ട് - അവന്റെ അച്ഛൻ, അമ്മ, ടാക്‌സി ഡ്രൈവർ, ഓട്ടോ ഡ്രൈവർ, തൊട്ടടുത്ത സീറ്റുകളിൽ ഉണ്ടായിരുന്ന അതേ വിമാനത്തിലെ 11 യാത്രക്കാർ.  "വിഷമിക്കാനോ ഉത്കണ്ഠപ്പെടാനോ ഒന്നുമില്ല. എല്ലാ നടപടികളും സ്വീകരിച്ചുവരുന്നു, രോഗിയുടെ അവസ്ഥ സ്ഥിരമാണ്."

 ലോകാരോഗ്യ സംഘടനയുടെ (ഡബ്ല്യുഎച്ച്ഒ) അഭിപ്രായത്തിൽ, മങ്കിപോക്‌സ് ഒരു വൈറൽ സൂനോസിസ് (മൃഗങ്ങളിൽ നിന്ന് മനുഷ്യരിലേക്ക് പകരുന്ന ഒരു വൈറസ്) ആണ്, മുൻകാലങ്ങളിൽ വസൂരി രോഗികളിൽ കണ്ടതിന് സമാനമായ ലക്ഷണങ്ങളുണ്ട്, എന്നിരുന്നാലും ഇത് ക്ലിനിക്കലായി കാഠിന്യം കുറവാണ്.

 1980-ൽ വസൂരി നിർമാർജനം ചെയ്യപ്പെടുകയും തുടർന്ന് വസൂരി വാക്സിനേഷൻ നിർത്തലാക്കുകയും ചെയ്തതോടെ, കുരങ്ങുപനി പൊതുജനാരോഗ്യത്തിനുള്ള ഏറ്റവും പ്രധാനപ്പെട്ട വൈറസായി ഉയർന്നു.

കേരളത്തിൽ കുരങ്ങു വസൂരി (Monkeypox) സ്ഥിരീകരിച്ചു. ആശങ്ക വേണ്ടെന്ന് ആരോഗ്യവകുപ്പ്.

തിരുവനന്തപുരം : കേരളത്തില്‍ കുരങ്ങുവസൂരി സ്ഥിരീകരിച്ചു. വിദേശത്ത് നിന്ന് കേരളത്തിലെത്തിയ കൊല്ലം സ്വദേശിക്കാണ് രോഗം സ്ഥിരീകരിച്ചത്. രോഗം സ്ഥിരീകരിച്ചയാള്‍ നിലവില്‍ തിരുവനന്തപുരം മെഡിക്കല്‍ കോളജില്‍ ചികിത്സയിലാണ്.

നടപടികൾ സ്വീകരിച്ചു.

 മങ്കിപോക്‌സ് വ്യാപനം തടയുന്നതിനായി എല്ലാ മുന്‍കരുതലും സ്വീകരിച്ചതായി ആരോഗ്യമന്ത്രി അറിയിച്ചു. രോഗിയുമായി സമ്പര്‍ക്കത്തിലുള്ളവരെ കണ്ടെത്തിയിട്ടുണ്ട്. അടുത്ത സമ്പര്‍ക്കം ഉണ്ടെങ്കില്‍ മാത്രമേ രോഗം പടരുകയുള്ളൂ. ലോകാരോഗ്യസംഘടനയുടേത് അടക്കം എല്ലാ മാര്‍ഗ നിര്‍ദേശങ്ങളും പാലിച്ചാണ് മുന്നോട്ട് പോകുന്നതെന്ന് ആരോഗ്യമന്ത്രി വീണാ ജോര്‍ജ് വ്യക്തമാക്കി.

എല്ലാവരും നിരീക്ഷണത്തിൽ.

യുഎഇയില്‍ നിന്ന് വിമാനത്തില്‍ തിരുവനന്തപുരത്തെത്തിയ ആള്‍ക്കാണ് രോഗം സ്ഥിരീകരിച്ചിരിക്കുന്നത്. വിമാനത്താവളത്തില്‍ നിന്ന് ഇദ്ദേഹം നേരെ വീട്ടിലേക്കാണ് പോയത്. വിമാനത്തില്‍ ഒപ്പമുണ്ടായിരുന്നവര്‍ അടക്കം 11 പേര്‍ ക്ലോസ് കോണ്ടാക്ട് ലിസ്റ്റിലുണ്ട്. അച്ഛന്‍, അമ്മ, വീട്ടിലേക്ക് എത്തിച്ച ടാക്‌സി ഡ്രൈവര്‍, വിമാനത്തില്‍ ഒപ്പമുണ്ടായിരുന്നവര്‍ തുടങ്ങിയവരടക്കം 11 പേരാണ് ഇപ്പോള്‍ നിരീക്ഷണത്തില്‍ ഉള്ളത്.
രോഗി ഇപ്പോള്‍ ഐസൊലേഷനിലാണ്. ഇദ്ദേഹത്തിന്റെ സാമ്പിള്‍ പൂനെ വൈറോളജി ഇന്‍സ്റ്റിറ്റ്യൂട്ടില്‍ പരിശോധിച്ചതില്‍ നിന്നാണ് രോഗം സ്ഥിരീകരിച്ചത്.

ആശങ്ക വേണ്ട..

 ആരോഗ്യ വകുപ്പ് മുന്‍കരുതല്‍ നടപടികള്‍ സ്വീകരിച്ചിട്ടുണ്ട്. ആശങ്കപ്പെടേണ്ട സാഹചര്യമില്ലെന്ന് മന്ത്രി പറഞ്ഞു.

വളരെ അടുത്ത കോണ്‍ടാക്ട് ഉണ്ടെങ്കില്‍ മനുഷ്യരില്‍ നിന്ന് മനുഷ്യരിലേക്ക് രോഗം പകര്‍ന്നേക്കാമെന്ന് മന്ത്രി പറഞ്ഞു. ചിക്കന്‍പോക്‌സിന് സമാനമായ ലക്ഷണങ്ങളാണ് രോഗത്തിന്റേത്. ആദ്യം ചുവന്ന പാടാണ് വരിക പിന്നീടിത് കുമിളയാകും. പനി, ശരീരവേദന, തലവേദന ലക്ഷണങ്ങള്‍ കാണിച്ചേക്കും. 21 ദിവസമാണ് ഇന്‍ക്യുബേഷന്‍ പിരീഡ്.