തൃശൂർ : ഓണം ആഘോഷിക്കരുതെന്ന് പറഞ്ഞ് വിദ്യാർത്ഥികളുടെ രക്ഷിതാക്കൾക്ക് ഓഡിയോ സന്ദേശം അയച്ചതിന് കേസെടുത്ത രണ്ട് അധ്യാപകരെ സസ്പെൻഡ് ചെയ്തു. തൃശൂർ കടവല്ലൂരിലെ സിറാജുൽ ഉലൂം ഇംഗ്ലീഷ് മീഡിയം സ്‌കൂളിലെ അധ്യാപകർക്കെതിരെയാണ് നടപടി.
സ്‌കൂളിൻ്റെ നിലപാടല്ല, വ്യക്തിപരമായ അഭിപ്രായമാണ് അധ്യാപകർ പ്രകടിപ്പിച്ചതെന്ന് പ്രിൻസിപ്പൽ പറഞ്ഞു. സ്കൂളിൽ നാളെ ഓണാഘോഷം നടക്കുമെന്ന് അറിയിച്ചിട്ടുണ്ട്.
ഓണം ഹൈന്ദവ ആഘോഷമാണെന്നും നമ്മുടെ കുട്ടികളോ ഞങ്ങളോ അതിനെ പ്രോത്സാഹിപ്പിക്കരുതെന്നും പറഞ്ഞ് അധ്യാപകർ രക്ഷിതാക്കൾക്ക് വാട്‌സ്ആപ്പ് വഴി ഓഡിയോ സന്ദേശം അയച്ചിരുന്നു. ഇത് പുറത്തറിഞ്ഞതോടെ ഡി.വൈ.എഫ്.ഐ പോലീസിൽ പരാതി നൽകി. തുടർന്ന് കുന്നംകുളം പോലീസ് കേസെടുത്തു. ഇതിന് പിന്നാലെയാണ് സസ്പെൻഷൻ നടപടി.
'ഓണം ഹിന്ദു സമൂഹത്തിൻ്റെ ആചാരമാണ്...' - തുടങ്ങി വർഗീയത പടർത്തുന്ന ഓഡിയോ ക്ലിപ്പ് പുറത്ത് വന്നിട്ടുണ്ട്.
വർഗീയ സ്പർദ്ധ വളർത്തുക എന്ന ഉദ്ദേശത്തോടെ മുസ്ലീം കുട്ടികളെ ഓണാഘോഷത്തിൽ പങ്കെടുപ്പിക്കുന്നത് ശിർക്കാണെന്ന് കാട്ടി പോലീസിന് വാട്‌സ്ആപ്പ് സന്ദേശം അയച്ചതായി പരാതിയിൽ പറയുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.